«Bajpoł» straciŭ dostup da svajho jutub-kanała i sacyjalnych sietak — Azaraŭ
Kiraŭnik «Bajpoła» Alaksandr Azaraŭ zapisaŭ videa, ź jakoha hramadskaść daviedałasia, što arhanizacyja byłych siłavikoŭ straciła dostup da svajho jutub-kanała i akaŭntaŭ u sacyjalnych sietkach. Vinavaty ŭ hetym, pavodle Azarava, były supracoŭnik «Bajpoła» Maćviej Kuprejčyk, jaki raniej admoviŭsia prajści pravierku na palihrafie.
Pavodle Azarava, niadaŭna Maćviej Kuprejčyk razam «z hrupaj asob» admoviŭsia prajści pravierku na palihrafie. Paśla taho adnosna ich uźnikła padazreńnie, u vyniku čaho «hrupa asob» była zvolnienaja z «Bajpoła» na padstavie «niedavieru i padazreńniaŭ».
Ale heta było b paŭbiady. Hałoŭnaje, što «Maćviej źvioŭ z saboj naš aficyjny jutub-kanał i akaŭnty ŭ sacyjalnych sietkach». Pavodle Azarava, heta «nie prosta podła i padazrona, ale i nie moža ličycca jahonaj ułasnaściu pa aznačeńni».
Paśla hetaha Azaraŭ pafasna tłumačyć važnaść «Bajpoła» i źviartajecca da hramadskaści z prośbaj napisać Maćvieju Kuprejčyku i zapatrabavać ad jaho ŭsio źniesienaje viarnuć.
U zaklučnaj častcy vystupleńnia kiraŭnik «Bajpoła» tłumačyć užo samomu Kuprejčyku, što arhanizacyja — heta «nie ty i tvaje siabry», «Bajpoł — heta častka 2020 hoda i častka našaha DNK». Dapuskajučy, što jahony ŭčynak byŭ vynikam tolki nieabdumanaści, Azaraŭ zaklikaje Maćvieja viarnuć arhanizacyi ŭsie akaŭnty. Maŭlaŭ, «zaŭsiody jość šaniec paprasić prabačeńnia i być sumlennym».
Pry hetym Azaraŭ u kamientary kanału «Maja kraina Biełaruś» adznačyŭ, što da čat-bota płana «Pieramoha» Maćviej Kuprejčyk dačynieńnia nie mieŭ:
«Hety čałaviek administravaŭ vyklučna miedyjaprajekty BYPOL, nijakaha dačynieńnia da płana «Pieramoha» i dostupu da hetaj niepubličnaj častki pracy BYPOL jon nie mieŭ. Takim čynam, usie ŭdzielniki płana «Pieramoha» mohuć spać spakojna: hety čałaviek nie byŭ dapuščany da surjoznych spraŭ i źviestak našaj arhanizacyi».
Azaraŭ pytaje mierkavańnie hramadskaści: Ci treba ŭsich palityčnych i hramadskich lidaraŭ apazicyi prahaniać praz palihraf?
Były aficer HUBAZiKa Stanisłaŭ Łupanosaŭ: Supracoŭnikaŭ praviarajuć na palihrafie, ci hałasavali za Łukašenku
Pavieł Łatuška — pra admovu prachodzić palihraf i samy darahi kaścium
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary