Člen Rady Fiederacyi RF nazvaŭ umovu dla pačatku pieramoŭ z Ukrainaj
Dla pačatku pieramoŭ Ukraina pavinna być hatovaja pieradać u skład Rasii Mikałajeŭskuju, Adeskuju i Charkaŭskuju vobłaści. Pra heta ŭ hutarcy z URA.RU zajaviŭ člen Kamiteta pa mižnarodnych spravach Rady Fiederacyi RF, sienatar ad anieksavanaha Kryma Siarhiej Cekaŭ.
Cekaŭ vykazaŭ sumnieŭ u chutkaj i publičnaj zhodzie Ukrainy na pieramovy, ale adznačyŭ, što ŭ vypadku pieradačy nazvanych terytoryj možna budzie pačać dyjałoh. Pry hetym jon padkreśliŭ, što pytańni demilitaryzacyi, denacyfikacyi i niejtralnaha statusu pavinny zastavacca na paradku dnia. Jon taksama adznačyŭ, što ŭkrainski bok pavinien sam vykazać hatoŭnaść da pierahavoraŭ.
Pres-sakratar prezidenta Rasii Dźmitryj Piaskoŭ u svaju čarhu zajaviŭ, što ciapier padmurak dla dyjałohu z Ukrainaj adsutničaje. Jon adznačyŭ, što Kijeŭ nie prajaŭlaje hatoŭnaści sadzicca za stoł pieramoŭ z Maskvoj, a ŭkrainskija ŭłady nie iduć na kantakt.
«Ciapier niama niejkaha padmurka, chacia b chistkaha, dla taho, kab vybudavać choć niejki dyjałoh», — havoryć Piaskoŭ.
Ukrainski bok admaŭlaje mahčymaść pieramoŭ, pakul rasijskija akupanty buduć va Ukrainie. Dniami ŭkrainskaje vojska pačało kontrnastup.
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary