Na ANT pakazali fejkavuju apytanku — i nie zaŭvažyli, što jaje žartam stvaryli inšyja prapahandysty
Siońnia ŭ prahramie na kanale ANT, pryśviečanaj situacyi z «Bajpołam», prapahandyst Ihar Tur siarod inšaha pakazaŭ skryn apytanki, što nibyta śviedčyć pra toje, što ažno cełaja tracina čytačoŭ apazicyjnych miedyja ŭ jakaści najbolš aŭtarytetnaj dla siabie krynicy pa tym, što adbyvajecca ŭ demakratyčnych asiarodkach, usprymaje praŭładny kanał «Žiołtyje ślivy». Ale tut jość niuans, jaki zaŭvažyŭ žurnalist Alaksiej Ivaškievič.
Reč u tym, što ŭ samy razhar kanfliktu ŭ «Bajpole», 8 červienia, kanał «Maja kraina Biełaruś» zapuściŭ apytanku na temu «Kamu vy daviarajecie ŭ situacyi z Bypol?»
A pakolki dla łukašystaŭ luby ŭnutrany kryzis u demakratyčnych kołach — balzam na dušu, to adzin ź ichnich kanałaŭ, pad nazvaj «Ziemla naša», na chvali maralnaha ŭzdymu z hetaj apytanki paździekavaŭsia i pasprabavaŭ svojeasabliva pažartavać, zamianiŭšy ŭ im z dapamohaj fotašopa najbolš papularny varyjant «Pakul raźbirajusia ŭ situacyi» na adsutny ŭ aryhinale varyjant «Žiołtym ślivam (ŽS Premium)». Pry hetym, treba addać naležnaje, «sumlenna» adznačyŭ u kancy kplivaha dopisa, što «skryn trochi ŭdaskanaleny».
I ŭsio b ničoha, ale praz tydzień heta žartoŭny skryn uspłyŭ u prapahandysckaj prahramie Ihara Tura, i tam užo pra jaho «ŭdaskanalenaść» nijakaj havorki nie viadziecca, fejkavaja apytanka padajecca jak samaja što ni na jość sapraŭdnaja.
Poka Tur rasskazyvał o situacii s bajpołom on umudriłsia vstaviť opros s fiejkovymi riezultatami pic.twitter.com/NbDdVT8kGq
Prapahanda znajšła vinavatych u čerhach pad škołaj u Novaj Baravoj
«Možna navat bałharkaj raśpiłavać». Prapahandysty pierakonvajuć biełarusaŭ u biaśpiečnaści jadziernaj zbroi
Prapahandysty šalejuć ad pierachodu pravasłaŭnych Ukrainy na śviatkavańnie Rastva 25 śniežnia. Miž tym 9 z 15 pravasłaŭnych cerkvaŭ śvietu taksama śviatkujuć 25-ha
Kamientary