Ministerstva abarony Ispanii abviaściła ab majučaj adbycca adpraŭcy va Ukrainu bronietransparcioraŭ, tankaŭ Leopard, a taksama razhortvańni mabilnaha špitala.
Jak zajaviła ministr Marharyta Robles na naradzie ministraŭ abarony krain NATO ŭ Brusieli, 20 BTR prybuduć u Polšču 19 červienia ŭ dadatak da 40 užo pieradadzienych Kijevu mašyn, taksama Ispanija adpravić čatyry bajavyja tanki Leopard 2A4, jakija znachodzilisia na ramoncie, piša Bi-bi-si.
«Ukraina abaraniaje spraviadlivaść, i tamu atrymlivaje našu absalutnuju padtrymku nie tolki ŭ adpraŭcy materyjalnych srodkaŭ, ale i ŭ navučańni ŭkrainskich vajskoŭcaŭ, — skazała Robles. — Naš abaviazak padtrymlivać Ukrainu ŭ jaje imknieńni da ŭsioabdymnaha, spraviadlivaha i tryvałaha miru budzie zastavacca ćviordym datul, pakul heta nieabchodna».
Ispanskaje vajskovaje viedamstva taksama abviaściła ab biazvypłatnaj pieradačy Ukrainie palavoha špitala Role 2+, jaki moža być razhornuty na praciahu 24 hadzin i zdolny ŭ tym liku akazvać pasłuhi ekstrannaj chirurhii.
Dziela jaho dastaŭki Ispanija płanuje pravieści navučańnie ŭkrainskich vajskoŭcaŭ.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady24
Kamientary