Bajden vystupiŭ suprać spraščeńnia patrabavańniaŭ dla ŭstupleńnia Ukrainy ŭ NATA
Prezident ZŠA Džo Bajden zajaviŭ, što nie płanuje spraščać patrabavańni dałučeńnia Ukrainy da NATA, paviedamiŭ telekanał CNN.
Kali Bajdena spytali, ci płanuje jon pahadzicca na spraščeńnie pracesu ŭstupleńnia Ukrainy ŭ NATA, prezident ZŠA adkazaŭ:
«Nie. Tamu što jany pavinny adpaviadać tym samym standartam. Tamu ja nie źbirajusia spraščać».
Pa słovach amierykanskaha lidara, Ukraina zrabiła ŭsio, što źviazana z demanstracyjaj zdolnaści da vajennaj kaardynacyi.
«Ale jość šerah pytańniaŭ, ci biaśpiečnaja ich sistema? Jana nie karumpavanaja? Ci adpaviadaje jana ŭsim standartam, jakim adpaviadaje lubaja inšaja kraina NATA? Ja miarkuju, što heta budzie. Ja miarkuju, što moža. Ale heta nie aŭtamatyčna», — skazaŭ Bajden.
Raniej, 14 červienia, vydańnie New York Times paviedamiła, što siarod krain — členaŭ NATA razharełasia dyskusija adnosna mahčymaha siabroŭstva Ukrainy, a na prezidenta ZŠA Džo Bajdena akazvajecca cisk, kab toj padtrymaŭ paskareńnie hetaha pracesu.
16 červienia CNN napisała, što Bajden nie suprać prybrać ź pieraškod dla ŭstupleńnia Ukrainy ŭ NATA Płan dziejańniaŭ pa siabroŭstvie. U hety ž dzień Politico taksama adznačała, što siarod čalcoŭ NATA raście padtrymka taho, kab nie patrabavać ad Ukrainy vykanańnia hetaha płana.
Na samicie NATA ŭ Vilni Ukrainie mohuć dać harantyi «siarednija pamiž tymi, što atrymlivali Finlandyja i Izrail» — prezident Čechii
Novy prezident Łatvii: Pieraškoda ŭstupleńnia Ukrainy ŭ NATO nie Vienhryja
Sienat ZŠA zabłakavaŭ prodaž «Chajmarsaŭ» dla Vienhryi za supraćdzieńnie ŭstupleńniu Šviecyi ŭ NATA
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary