Bajden padtrymaŭ sproščanaje ŭstupleńnie Ukrainy ŭ NATA paśla zakančeńnia vajny — ŚMI
Prezident ZŠA Džo Bajden padtrymlivaje prapanovu hienieralnaha sakratara NATA Jensa Stołtenbierha ab tym, što Ukrainie nie treba budzie vykonvać tradycyjny «płan dziejańniaŭ pa členstvie» (PDČ) dla ŭstupleńnia ŭ Aljans. Pra heta paviedamlaje vydańnie Axios sa spasyłkaj na dźvie krynicy, znajomyja z chodam hetych abmierkavańniaŭ.
Vydańnie adznačaje, što Bajden, jak i kancler Hiermanii Ołaf Šolc, byli pieršapačatkova siarod tych, chto nie chacieŭ vychodzić za ramki abaviazańniaŭ, uziatych na samicie NATA ŭ Buchareście ŭ 2008 hodzie, adnosna taho, što Ukraina adnojčy stanie členam Aljansu.
Ale, pavodle źviestak surazmoŭcaŭ vydańnia, u aŭtorak padčas sustrečy Bajdena i Stołtenbierha ŭ Biełym domie hienieralny sakratar NATA prapanavaŭ pryznać, što Ukraina dasiahnuła prahresu na šlachu da siabroŭstva ŭ Aljansie, i tamu niama nieabchodnaści ŭ paetapnym ažyćciaŭleńni PDČ, praź jakoje prajšli pierad ustupleńniem u błok usie ŭschodniejeŭrapiejskija krainy.
Realizacyja PDČ vyznačaje kankretnyja kryteryi i reformy i moža raściahnucca na hady i navat dziesiacihodździ. Bajden ža šukaje kampramisnaha rašeńnia, jakoje zadavolić i Ukrainu, i ŭsich členaŭ Aljansu.
Hałoŭnakamandujučy armii ZŠA zajaviŭ pra pieršyja pośpiechi ŭkrainskaha kontrnastupleńnia
Na samicie NATA ŭ Vilni Ukrainie mohuć dać harantyi «siarednija pamiž tymi, što atrymlivali Finlandyja i Izrail» — prezident Čechii
Sienat ZŠA zabłakavaŭ prodaž «Chajmarsaŭ» dla Vienhryi za supraćdzieńnie ŭstupleńniu Šviecyi ŭ NATA
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
2. Na vyborach pobiedit javno nie Bajdien… vozmožno tramp.. i iŝi śviŝi😁 čto kto obieŝał