Mordaj u asfalt: u Ivacevičach zatrymali aŭtamabil ź litaraj Z na rasijskich numarach VIDEA
Uviečary 17 červienia žychary spalnaha rajona pravincyjnych Ivacevičaŭ stali śviedkami nieardynarnaha zdareńnia. Na vačach u socień ludziej siłaviki vyciahnuli z mašyny ź litaraj Z dvuch mužčyn i zatrymali ich.
Jak piša «Hancavicki čas», zatrymanyja ludzi pavodzili siabie vielmi aburalna. Adzin ź ich kryčaŭ, što jon ruski, a biełarusy jaho «kazłom nazvali».
«Mianie kazłom abazvali biełarusy. A ja ruski b…» — kryčaŭ mužčyna, siedziačy na asfalcie sa skručanymi nazad rukami.
Mužčyn, mierkavana niećviarozych, vyciahnuli z mašyny na rasijskich numarach i litaraj Z na zadnim škle. Adzin lažaŭ na ziamli, druhoha, u majcy z nadpisam «Vietlivyja ludzi», skrucili milicyjaniery.
Na miescy była jašče i žančyna, jakaja sprabavała zastupacca za hetych dvuch mužčyn. Ale jaje nieŭzabavie akuratna, biez užyvańnia fizičnaj siły, vyvieli ludzi ŭ vajskovaj formie. Adychodziačy, žančyna jašče pahražała raźbić niečuju kamieru.
Aficyjnych kamientaroŭ pa situacyi nie było.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
Eto nie ałkohol, eto mołoko matieri.
Ludi upotrieblajut ałkohol, no pri etom viedut siebia prilično.