U Małdovie pryznali niekanstytucyjnaj prarasijskuju partyju «Šor». Rašeńnie nielha asprečyć
Sudździ Kanstytucyjnaha suda Małdovy 19 červienia vynieśli rašeńnie pa zapycie ŭrada ab praviercy kanstytucyjnaści partyi «Šor». Siabry suda pryjšli da vysnovy, što partyja parušyła pryncypy, prapisanyja ŭ Kanstytucyi Małdovy.
Rašeńnie pryniali ŭ adpaviednaści z čaćviortym punktam 41 artykuła Kanstytucyi, jaki abviaščaje: «Partyi i inšyja hramadska-palityčnyja arhanizacyi, mety abo dziejnaść jakich skiravanyja suprać palityčnaha pluralizmu, pryncypaŭ pravavoj dziaržavy, suvierenitetu, niezaležnaści i terytaryjalnaj cełasnaści Respubliki Małdova, ličacca niekanstytucyjnymi», jak paviedamlaje newsmaker.md.
Staršynia KS Nikałaje Roška skazaŭ, što z momantu vyniasieńnia hetaha rašeńnia partyja «Šor» ličycca rasfarmavanaj.
«Nivodny z dakumientaŭ hetaj partyi, pryniatych paśla vyniasieńnia rašeńnia, nie maje jurydyčnaj siły. Ministerstva justycyi pavinna sfarmavać kamisiju pa likvidacyi partyi «Šor» dla vyklučeńnia jaje ź dziaržaŭnaha rejestra jurydyčnych asob», — skazaŭ jon.
Staršynia taksama paviedamiŭ, što deputaty hetaj partyi praciahnuć svoj mandat, adnak u jakaści niezaležnych narodnych vybrańnikaŭ biez prava na dałučeńnie da inšych frakcyj.
Anałahičnaja situacyja z pradstaŭnikami partyi ŭ orhanach miascovaha kiravańnia ŭsich uzroŭniaŭ, uklučajučy Hahauziju.
***
Partyja była stvoranaja ŭ 1998 hodzie i pieršapačatkova nazyvałasia ruch «Raŭnapraŭje». U 2016 hodzie jaje ŭznačaliŭ biznesoviec Iłan Šor, i jana źmianiła nazvu na «Šor». U 2020 hodzie Iłan Šor byŭ abvieščany ŭ mižnarodny vyšuk pa spravie ab kradziažy 1 młrd dalaraŭ z bankaŭskaj sistemy krainy. U 2023 hodzie Šora prysudzili zavočna da 15 hadoŭ turmy, pazbavili deputackaha mandata i zapatrabavali ekstradavać ź Izraila, dzie jon znachodzicca z 2019 hoda.
U 2022 hodzie, paśla rasijskaha ŭvarvańnia va Ukrainu, partyja «Šor» pačała aktyŭna ŭzajemadziejničać z rasijskimi ŭładami, deputaty naviedali Maskvu i naładzili mižpartyjnyja kantakty. Paśla hetaha partyja arhanizoŭvała pratesnuju dziejnaść suprać ułady ŭ Małdovie. U lipieni 2022 hoda Marynu Taŭbier (faktyčnaja lidarka «Šora» ŭnutry respubliki) abvinavacili ŭ atrymańni srodkaŭ dla partyi ad arhanizavanych złačynnych hrup i falsifikacyi buchhałtarskaj spravazdačnaści; u 2023 hodzie jaje zatrymali ŭ aeraporcie Kišyniova i źmiaścili pad chatni aryšt, a parłamient pazbaviŭ jaje deputackaha imunitetu.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary
Jetoj prarasiejskaj parcyi hiensiek hramadzianin Izraila i jaho zamša
Pakazali małdava rumynskije ..antanieski " svaje sapraudnaje abliččie")))....