Kiraŭnik Rady biaśpieki Ukrainy nie vyklučyŭ udziełu Łukašenki ŭ mirnych pieramovach
Sakratar Rady nacbiaśpieki i abarony Ukrainy Alaksiej Daniłaŭ dapuściŭ, što Alaksandr Łukašenka moža ŭziać udzieł u pieramovach pa ŭrehulavańni kanfliktu va Ukrainie. Pra heta jon napisaŭ u fejsbuku.
«Sapraŭdnaja hrupa rasijskich budučych pieramoŭščykaŭ z Ukrainaj užo jość, ale pakul jana zastajecca ŭ cieni, adnak nie vyklučany ŭdzieł u hetym pracesie Łukašenki», — napisaŭ jon na svajoj staroncy.
Daniłaŭ taksama vykazaŭ mierkavańnie, što «bunt» Pryhožyna — pieršy etap demantažu pucinskaj sistemy.
Pavodle jaho, Pryhožyn — heta tolki častka hrupy i častka płana, viaršynia ajśbierha pracesu destabilizacyi. Daniłaŭ śćviardžaje, što ŭ Rasii sfarmavałasia hrupa niezadavolenych siłavikoŭ, čynoŭnikaŭ i aliharchaŭ, jakija ličać dziejańni Pucina śmiarotna niebiaśpiečnymi dla ŭłasnych intaresaŭ i svajho isnavańnia, pahrozaj dla Rasii.
«Režymu Pucina «nažom u śpinu» naniesieny kali nie imhnienna śmiarotny, ale dakładna niepaźbiežny, choć i adterminavany ŭ časie ŭdar», — napisaŭ Daniłaŭ.
Jon dadaŭ, što «kazus Pryhožyna» moža zapuścić pracesy ź niepradkazalnymi nastupstvami.
Učora stała viadoma, što damovicca z vahnieraŭcami, spynić ich pachod na Maskvu dapamoh Alaksandr Łukašenka.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary