Eks-zorka zbornaj Ispanii padaŭ u sud na ŭrad. Patrabuje vialikija hrošy
Znakamity ŭ minułym hulec Fiernanda Tores, jaki ciapier vałodaje sietkaj spartyŭnych załaŭ, padaŭ u sud na ŭrad Ispanii i haradskuju radu Madryda.
Jon patrabuje kampiensacyi škody, naniesienaj jaho sietcy padčas pandemii.
New Fitness zapatrabavała ad Madryda 808 tysiač 100,58 jeŭra za «surjoznyja straty», paniesienyja ŭ vyniku abmiežavańniaŭ z sakavika 2020 hoda da maja 2021 hoda. Paśla admovy aŭtanomnaha ŭrada jon padaŭ pazoŭ u Vyšejšy trybunał, jak piša El Confidencial.
Fiernanda Tores (naradziŭsia ŭ 1984 hodzie) hulaŭ za madrydski «Atletyka», «Livierpul», «Čełsi», «Miłan», znoŭ «Atletyka». Pravioŭ 578 matčaŭ, zabiŭ 200 hałoŭ. Za zbornuju Ispanii (2003-2014) zhulaŭ 110 matčaŭ, zabiŭ 38 hałoŭ. Čempijon Jeŭropy 2008 i 2012 hadoŭ, čempijon śvietu 2010 hoda. Skončyŭ karjeru ŭ 2019 hodzie.
Kamientary