«Ludzi nie razumiejuć, što i my prahmatyčna da hetaha padychodzim». Łukašenka patłumačyŭ, jak źbirajecca vykarystoŭvać «vahnieraŭcaŭ»
Alaksandr Łukašenka 27 červienia pryniaŭ z dakładam ministra abarony Viktara Chrenina. Łukašenka patłumačyŭ Chreninu, jakaja karyść moža być ad «vahnieraŭcaŭ».
«Ciapier šmat razmoŭ i bałbatni: «Vahnier, Vahnier, Vahnier». Ludzi nie razumiejuć, što i my prahmatyčna da hetaha padychodzim», — patłumačyŭ Łukašenka.
«Kali ich kamandziry pryjeduć da nas i dapamohuć nam… Dośvied. Słuchaj, jany na pieradavoj — šturmavyja atrady. Raskažuć nam, što ciapier važna. Voś mnie Pucin apošni raz skazaŭ: kontrbatarejnaja baraćba, biez hetaha niemahčyma. Bieśpiłotniki. Jany praz heta prajšli.
Jany raskažuć pra zbroju: jakaja dobra pracavała, jakaja nie. I taktyka, i ŭzbrajeńnie; jak nastupać, jak abaraniacca. Heta nieacenna. Voś heta nam ad vahnieraŭcaŭ treba ŭziać», — patłumačyŭ Łukašenka.
«Bajacca ich niama čaho. My ž vucha vostra trymajem», — dadaŭ jon.
- 23 červienia Pryhožyn abviaściŭ, što idzie «na Maskvu», bo nie choča, kab Rasija žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
- Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
- U Rasii raspačali suprać jaho kryminalnuju spravu, Pucin nazvaŭ miaciež zdradaj, a ŭ Maskvie i vobłaści ŭviali režym kontrterarystyčnaj apieracyi.
- Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
- Dakładnaha paćviardžeńnia hetamu pakul niama, chacia bort Pryhožyna siońnia pryziamliŭsia ŭ Mačuliščach.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
prosta tak k hetym płaniam nie padyjści)) moža azaronku jašče pryjdziecca sraku całavać tamu piekaru)))
A možiet słučitsia i postrašnieje, mohut schodiť s maršiem spraviedlivosti i na Minsk, na minskije drozdy, ot Osipovič rukoj podať, i nie raźviernuťsia.
A razbaviv biełarmiju bydłom biez principov, soviesti, čiesti, čieriez hod, i biełarmija staniet takim žie bydłom i nasilnikami.