Za «źniavahu vajskoŭca» 2 hady kałonii pryznačyli žycharu Pružan, jaki adbyvaŭ «chimiju»
U sudzie Lidskaha rajona 19 červienia za «źniavahu vajskoŭca» da dvuch hadoŭ kałonii i 100 bazavych vieličyń štrafu (3700 rubloŭ) asudzili 29-hadovaha Siarhieja Kiemieža, jaki adbyvaŭ termin na «chimii». Mužčynu sudzili pavodle artykuła 369 KK (źniavaha pradstaŭnika ŭłady).
Taki prysud vynies Ihar Kaško pa prapanovie prakurora Mikity Myśliŭca, piša «Viasna».
Pavodle viersii abvinavačańnia, u śniežni 2021 hoda Siarhiej Kiemiež «paśla taho, jak pračytaŭ infarmacyju ŭ destruktyŭnych hrupach sacyjalnaj sietki «UKantakcie», raźmiaściŭ u dačynieńni da kamandzira adnoj z vajskovych čaściej abraźlivy kamientar».
Śćviardžajecca, što jon byŭ zarehistravany pad niesapraŭdnym imiem i vykarystoŭvaŭ VPN, ale jaho ŭsio roŭna identyfikavali.
Siarhieja Kiemieža ŭžo sudzili ŭ vieraśni 2021 hoda za toje, što 25 studzienia 2021 hoda pad navinoj ab prysudzie za abrazu kamandzira AMAP HUUS Minharvykankama, jon napisaŭ źniavažlivy kamientar pra hetaha milicyjanta. Sprava razhladałasia ŭ sudzie Pružanskaha rajona ŭ vieraśni 2021 hoda pavodle art. 369, č. 1 art. 208 KK. Sudździa Vadzim Mazol pryznačyŭ mužčynu dva hady abmiežavańnia voli z nakiravańniem u papraŭčuju ŭstanovu («chimija»), a taksama 3000 rubloŭ maralnaj škody. Abvinavacili Siarhieja Kiemieža i ŭ vymahalnictvie ŭ žonki byłoha adnahrupnika, za heta taksama prysudzili 2 hady «chimii». Ahułam mužčynu asudzili da 2 hadoŭ 6 miesiacaŭ «chimii».
U vieraśni 2022 hoda Siarhieja ŭklučyli ŭ «śpis ekstremistaŭ» z pamietkaj, što jon adbyvaje pakarańnie. Siarhiej Kiemiež adbyvaŭ termin na «chimii».
22 červienia Siarhieju spoŭniłasia 29 hadoŭ.
Padtrymajcie viaźnia: Turma №1, 230023, h. Hrodna, vuł. Kirava, 1, Siarhiej Vitaljevič Kiemiež.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary