Vydaviectva «Połackija łabirynty» pieravydała asobnaj knihaj ese Ihnata Kančeŭskaha «Adviečnym šlacham», jakoje ŭpieršyniu było apublikavana ŭ 1921 hodzie ŭ Vilni ŭ haziecie biełaruskich eseraŭ «Naša budučynia» pad psieŭdanimam Ihnat Abdzirałovič, piša Bellit.info.
Aŭtar tvora — vilančuk Ihnat Kančeŭski, jaki pachodziŭ z pravasłaŭnaj šlachty, byŭ talenavitym ekanamistam, paetam, publicystam, fiłosafam. Poruč z małodšym bratam Arsieniem Kančeŭskim jon stajaŭ la vytokaŭ biełaruskaha nacyjanalna-vyzvolnaha ruchu.
U svaim znakavym ese jon sfarmulavaŭ try tezy biełaruskaj nacyjanalnaj idei, jakija lehli ŭ padmurak najnoŭšaj biełaruskaj fiłasofii i byli padchoplenyja hramadstvam u XXI stahodździ. Heta byćcio pamiž Uschodam i Zachadam, niaspynnaja tvorčaść i kaapieracyja.
Tvor publikujecca na biełaruskaj movie ŭ sučasnaj stylistyčnaj i arfahrafičnaj redakcyi, z navukova-papularnymi kamientaryjami, kab zrabić pračytańnie dastupniejšym nośbitam biełaruskaj movy ŭ našyja dni.
Nabyć knihu možna praź placoŭku Allegro.pl.
U 2023 hodzie fiłasofskaje ese Ihnata Abdzirałoviča (Kančeŭskaha) «Adviečnym šlacham» vyjšła ŭ aŭdyjafarmacie.
Kamientary