Rečy Mirasłava Łazoŭskaha pieradali ŭ Nacyjanalny muziej historyi Ukrainy
«Mirasłaŭ Łazoŭski ŭsio svajo žyćcio vystupaŭ za niezaležnaść Biełarusi, taksama abaraniaŭ niezaležnaść Ukrainy. Pamiać pra hieroja Biełarusi i Ukrainy budzie viečnaj», — havorycca na staroncy muzieja ŭ fejsbuku.
Rečy Mirasłava pieradali ŭ muziej u sieradu. Heta broniekamizelka, šaŭrony, boty, akulary, kašula, karty i bieł-čyrvona-bieły ściah.
Mirasłaŭ Łazoŭski byŭ adnym z zasnavalnikaŭ «Biełaha lehijona», pramoŭtaram biełaruskaj kultury.
Paśla pratestaŭ 2020 hoda ŭ Biełarusi jon pierajechaŭ u Kijeŭ. Paśla pačatku poŭnamaštabnaha ŭvarvańnia Rasii Mirasłaŭ ustupiŭ u biełaruski dobraachvotnicki bataljon «Vołat» pałka imia Kastusia Kalinoŭskaha. Mieŭ pazyŭny «Myš».
Zahinuŭ 16 maja pad Bachmutam. 26 maja ŭ Kijevie ź im prajšło raźvitańnie. Na minułym tydni Rada BNR paśmiarotna ŭznaharodziła Mirasłava Łazoŭskaha ordenam Žaleznaha rycara — najvyšejšaj uznaharodaj BNR.
Čytajcie taksama:
«Zusim trochi nie dajšoŭ». Pabracim Mirasłava Łazoŭskaha pra jaho hibiel
«Kali ja zahinu, pachavajcie moj popieł pad lubym dubam». Pabracim zhadvaje Mirasłava Łazoŭskaha
Kamientary