Mahiloŭskaha barda Alaksandra Bala zatrymali i asudzili pa danosie pamiežnika
Stała viadoma, što administracyjnaja sprava suprać mahiloŭskaha barda Alaksandra Bala pačałasia z taho, što ŭ apieratyŭna-dziažurnuju słužbu Haradockaha RAUS pastupiła paviedamleńnie supracoŭnika pamiežnaha pasta ŭ haradskim pasiołku Jeziaryšča, jaki pry ahladzie telefona Bala znajšoŭ u im padpiski na kanały, uklučanyja ŭ śpis ekstremisckich. Pra heta piša «Viciebskaja viasna».
Milicyjanty skłali pratakoł na «pravaparušalnika» za toje, što Alaksandr na svaim telefonie ŭ telehramie zachoŭvaŭ infarmacyjnuju pradukcyju kanała «Pavieł Łatuška», raniej pa rašeńni suda pryznanaha «ekstremisckim».
Sudździa suda Haradockaha rajona Alena Vichacienka pahadziłasia z pazicyjaj rabotnikaŭ milicyi i pryjšła da vysnovy, što mužčyna ŭčyniŭ pravaparušeńnie, h. zn. zachoŭvaŭ i raspaŭsiudžvaŭ infarmacyju, jakaja ŭklučanaja ŭ respublikanski śpis ekstremisckich materyjałaŭ.
Na hetaj padstavie sudździa pakarała aryštam «pravaparušalnika» ŭ ramkach č. 2 art. 19. 11 KaAP, a taksama kanfiskavała ŭ dachod dziaržavy jahony telefon.
Sudździa suda Haradockaha rajona Alena Vichacienka pakarała Alaksandra Bala aryštam terminam na 15 sutak za raspaŭsiud «ekstremisckich» materyjałaŭ u sacyjalnych sietkach.
Čytajcie taksama
Videaapierataru Paŭłu Padabiedu dali čatyry hady kałonii
Kamientary