«Na 45 miescaŭ — 5 dziaŭčat». Chirurhaŭ u subardynaturu buduć raźmiarkoŭvać pa pałavoj prykmiecie — studenty aburanyja
Ministerstva achovy zdaroŭja zahadała vydzielić dla budučych chirurhaŭ u subardynatury asobna miescy dla dziaŭčat i dla chłopcaŭ. Studenty ličać, što viedamstva parušaje Kanstytucyju, i źbirajucca baranić svaje pravy.
Subardynaturu, pahłyblenaje vyvučeńnie abranaj śpiecyjalizacyi, budučyja miedyki prachodziać na apošnim kursie. Studentaŭ chirurhičnaha profilu aburyła toje, što ich stali raźmiarkoŭvać na jaje pa pałavoj prykmiecie.
Norma, jakuju sami studenty paśpieli nazvać seksisckaj, uviedzienaja zahadam Ministerstva achovy zdaroŭja ad 12 červienia 2023 hoda.
Zahad, jak pišacca ŭ dakumiencie, vydadzieny dla zabieśpiačeńnia haliny daktarami-śpiecyjalistami. Čym vyklikanaja nieabchodnaść hiendarnaha raźmierkavańnia studentaŭ, u im nie tłumačycca.
Novaŭviadzieńni dyskryminacyjnyja dla dziaŭčat. Chłopcaŭ na chirurhičny profil biaruć bolej, navat kali ŭ ich mienšyja bały.
Naprykład, u Homielskim miedyčnym univiersitecie na aniestezijałohiju i reanimatałohiju z 45 miescaŭ tolki 5 addali dziaŭčatam. Na chirurhiju z 70 — 13 u dziaŭčat.
Pa słovach studentaŭ, chłopcam naviazvajuć «čužyja» im śpiecyjalizacyi. Administracyja navučalnych ustanoŭ uhavorvaje ich pahadzicca, kab zakryć «mužčynskija» prafiesii ŭ miedycynie.
«Ličycca, što chirurhičnyja śpiecyjalnaści maralna i fizična ciažejšyja, ale čamu za dziaŭčynu heta vyrašaje ministerstva?» — kamientuje situacyju adna sa studentak.
Pavodle jaje, u pracesie ŭsiaho navučańnia niekatoryja chirurhi skieptyčna staviacca da vybaru dziaŭčat.
Studenty spadziajucca, što na pazicyju Ministerstva achovy zdaroŭja možna paŭpłyvać, sabraŭšy pad elektronnaj pietycyjaj pierakanaŭčuju kolkaść podpisaŭ niezadavolenych. Pakul jany vyrašajuć, kudy adrasavać svoj zvarot.
Studenty chočuć, kab čynoŭniki admianili zahad abo ŭnieśli ŭ jaho karektyvy adnosna pałavoj prykmiety ŭ raźmierkavańni na subardynaturu.
Na ich pohlad, zhadka pra hiendarnuju prynaležnaść parušaje kanstytucyjnuju normu ab roŭnaści hramadzian pierad zakonam i niedapuščalnaści dyskryminacyi.
«Zahadam Ministerstva achovy zdaroŭja ad 12.06.2023 №879 pravy adnosna žanočaha nasielnictva byli parušanyja z pryčyny nieraŭnamiernaha raźmierkavańnia miescaŭ pa profilach subardynatur», — havorycca ŭ prajekcie pietycyi.
U biełaruskaj miedycynie vielizarnyja prablemy z kadrami. Lakarniam nie chapaje bolš za 6,5 tysiačy daktaroŭ-śpiecyjalistaŭ. Jak novaja norma Ministerstva achovy zdaroŭja paŭpłyvaje na zabiaśpiečanaść balnic kadrami, niezrazumieła.
U mai Łukašenka padpisaŭ rasparadžeńnie ab pavyšeńni efiektyŭnaści sistemy achovy zdaroŭja. Zhodna ź im, čynoŭnikam zahadana pryniać dadatkovyja miery pa rašeńni prablemy niedachopu miedykaŭ, ale jak heta budzie rabicca, nieviadoma.
Miedyki-praktyki ličać, što novaŭviadzieńniem Ministerstva achovy zdaroŭja sprabuje prademanstravać toje, što jano pracuje. Hiendarnaja ž dyskryminacyja ŭ miedycynie, jak kažuć jany, isnavała i raniej, ale ciapier jaje zrabili normaj.
«Naša Niva» — bastyjon biełaruščyny
PADTRYMAĆHladzicie taksama:
«Ja nie źbiraŭsia kapać akopy». Miedyk z rajcentra raskazvaje, čamu bolš nie vytrymaŭ
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary