Dzieviacihadovy chłopčyk sprabavaŭ samastojna raspalić manhał i atrymaŭ apioki
3 lipienia ŭviečary ŭ Kaściukovickuju centralnuju rajonnuju balnicu z apiokami byŭ špitalizavany 9-hadovy žychar ahraharadka Muraville.
Jak vyśvietliłasia, u hety dzień siamja smažyła šašłyki. Potym jany pajšli ŭ dom viačerać. Chłopčyk, skarystaŭšysia zaniataściu baćkoŭ, viarnuŭsia da manhała i vyrašyŭ raspalić jaho samastojna, jak paviedamlaje MNS.
Drovy ad zapałak nijak nie chacieli zaharacca i tady dzicia, uziaŭšy klučy ad haraža, pieraliła z kanistry bienzin u płastykavuju butelku.
Pry raspalvańni manhała pary bienzinu trapili na ruki i vopratku. Varta było jamu tolki ŭziać zapałki, jak uspychnuła połymia i dzicia atrymała apioki.
Ratavalniki zadajucca pytańniem, jak dzieviacihadovaje dzicia mahło zdahadacca raspalić ahoń z dapamohaj lohkaŭzharalnaj vadkaści.
Napeŭna, jon bačyŭ, jak heta rabili darosłyja.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary