Provady na piensiju biełaruskaha pažarnika sabrali ŭ tyktoku amal miljon prahladaŭ VIDEA
Biełaruskija pažarniki ŭzarvali internet karotkim rolikam z provadami svajho kalehi na piensiju. Videa, jakoje źjaviłasia ŭ akaŭncie @janow_by, nabrała ŭ TikTok bolš za 948 tysiač prahladaŭ, jak zaŭvažyła «Kamsamolskaja praŭda».
U karotkim roliku pažarniki Ivanaŭskaha RANS pakazali, jak na piensiju pravodziać vyratavalnika MNS Biełarusi. Pierad adychodam na piensiju, zhodna z tradycyjaj, pažarnik prachodzić svojeasablivaje chryščeńnie vadoj. Vyratavalniku treba prajści pad vadaspadam z pyrskaŭ vady, kali jašče jaho palivajuć vadoj z brandspojta.
«Siońnia na piensiju ŭ Ivanaŭskim RANS pravodzili Siarhieja Davidoviča. Bolš za 20 hadoŭ Siarhiej Vasiljevič addaŭ słužbie, ratujučy ludziej», — prakamientavaŭ aŭtar rolika.
Kalehi stojačy apładziravali Davidoviču, a pyrski vady ŭtvaryli jarkuju viasiołku, pad duhoj jakoj prajšoŭ vyratavalnik.
Kamientary