Srodki ad klaščoŭ i kamaroŭ, što pradajucca ŭ krainach ES. Jakija najlepšyja?
Chimik Siarhiej Biesarab raić źviarnuć uvahu na repielenty, jakija jość na pryłaŭkach Polščy i Litvy.
Siarhiej Biesarab adznačaje, što, u adroźnieńnie ad krain Mytnaha sajuza, kudy ŭvachodzić i Biełaruś, na abšarach jakoha možna złamać hałavu, adšukvajučy repielent z prydatnaj kancentracyjaj i patrebnym dziejnym rečyvam (d. r.), u Polščy navat u vioscy možna znajści toje, što nielha znajści ŭ stalicy Biełarusi.
Chimik źviartaje ŭvahu, što na preparatach, jakija možna kupić u Jeŭrapiejskim sajuzie, paznačanyja kancentracyi ŭ hramach d. r. na 100 h praduktu. Taksama možna daviedacca, što vykarystoŭvajecca dla aramatu zamiest noname aramatyzatara z Kitaja.
Sami ž dziejnyja rečyvy, jakija vałodajuć repielentnaj aktyŭnaściu (p-mientandyjoł, hieranijoł, alej cytrynavaha eŭkaliptu), utrymlivajucca ŭ mienšaj kancentracyi.
Na malunku sprei №№ 1-4 źmiaščajuć maksimum (50%) dyetyłtołuamidu (pa-polsku — DEET) i najbolš efiektyŭnyja suprać usich parazitaŭ-kryvasmokaŭ. Sam aŭtar rekamienduje sprei pad numarami 2 i 4.
Sprej pad numaram №5 (vytvorca S.C. Johnson) źmiaščaje maksimum aleju cytrynavaha eŭkaliptu (30%) i ličycca samym eka/bija. Jak paznačana na fłakonie — botanicals.
Srodak pad №6 utrymoŭvaje maksimum pikarydzinu («dziciačy»). A sprej pad №7, niahledziačy na nizkaje ŭtrymańnie DEET (30%), źmiaščaje deltamietryn, h. zn. uličvaje elektrastatyku klašča, i taksama padychodzić dla vajskoŭcaŭ.
Čytajcie jašče:
Jakija srodki ad klaščoŭ samyja nadziejnyja? Paraŭnoŭvaje navukoviec
Ciapier čytajuć
«Na karabli kožny dzień — paniadziełak». Biełaruska raskazała pra svaju pracu na kruiznym łajniery7
Kamientary