U Minsku chočuć vydzialać asobnyja pałaty dla žančyn pry pierapynieńni ciažarnaści
Na kruhłym stale «Akušerstva davieru», arhanizavanym Kamitetam pa achovie zdaroŭja Minharvykankama, asobna zakranuli temu padziełu pacyjentak u hiniekałahičnych adździaleńniach i dapamohi žančynam pry pierapynieńni ciažarnaści, piša Onliner.by.
Jak adznačyli na sustrečy, užo bolš za piać hadoŭ u staličnych hiniekałahičnych adździaleńniach imknucca raźmiaščać u roznych pałatach žančyn, jakija zachoŭvajuć ciažarnaść, i pacyjentak, jakija pastupili dla apieracyj abo pierapynieńnia ciažarnaści. Heta robiać dla psichałahičnaha kamfortu budučych mam i źnižeńnia lišniaha stresu.
Pry hetym miedyki pryznali, što situacyja padčas lačeńnia moža źmianicca. Kali ciažarnaść nie ŭdajecca zachavać, status pacyjentki źmianiajecca, tamu, na dumku ŭdzielnikaŭ kruhłaha stała, sistema pavinna ŭličvać i takija vypadki.
Adnoj z prapanoŭ było praduhledzieć asobnyja pałaty dla žančyn, jakija pieražyvajuć pierapynieńnie ciažarnaści abo repraduktyŭnuju stratu. Taksama prapanujecca pravodzić z takimi pacyjentkami kansultacyi psichołaha abo psichaterapieŭta da pačatku pracedury.
Asobna płanujuć infarmavać siemji pra jurydyčnyja aśpiekty i mahčymaść praviadzieńnia rytuałaŭ pachavańnia pry stracie ciažarnaści na terminie bolš za 22 tydni. Akramia taho, u Minsku chočuć pavysić uzrovień psichałahičnaj padrychtoŭki miedrabotnikaŭ, u tym liku navučyć miedsiaścior i sanitarak etycy znosin z pacyjentkami. Dla profilnych psichołahaŭ i psichaterapieŭtaŭ płanujuć dadatkovuju padrychtoŭku ŭ halinie pierynatalnaj psichałohii.
Na kruhłym stale taksama abmierkavali vydzialeńnie śpiecyjalistaŭ pa hrudnym hadavańni ŭ radzilniach, ustalavańnie nadziejnych sistem vykliku miedpiersanału ŭ pałatach, daśledavańnie patrebaŭ budučych baćkoŭ i źmianieńnie pracy radzilniaŭ u internecie.
U abmierkavańni ŭdzielničali staršynia Kamiteta pa achovie zdaroŭja Minharvykankama Juryj Horbič, kiraŭniki staličnych radzilniaŭ, pradstaŭniki BDMU i pacyjenckaj supolnaści — u tym liku maładyja i šmatdzietnyja baćki.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary