Łukašenka pažadaŭ, kab na «Słavianskim bazary» vystupali vykanaŭcy z Ukrainy
Padčas adkryćcia fiestyvalu jon zapeŭniŭ, što Biełaruś budzie zastavacca «astraŭkom biaśpieki i nadziejnaj aporaj dla ŭsich miralubnych ludziej».
Hałasy i miełodyi majstroŭ mastactva z Ukrainy i ź inšych słavianskich krain pavinny zaŭsiody hučać na sceničnych placoŭkach Mižnarodnaha fiestyvalu mastactvaŭ «Słavianski bazar u Viciebsku». Pra heta padčas uračystaj cyrymonii adkryćcia fiestyvalu zajaviŭ Alaksandr Łukašenka, jak piša TASS.
«Chaj historyja «Słavianskaha bazaru» i Biełarusi budzie viečnaj, chaj zaŭsiody hučać najlepšyja miełodyi i hałasy nie tolki biełaruskich majstroŭ mastactva, ale i blizkich nam Rasii, Ukrainy, susiednich słavianskich narodaŭ, dy i mnohich inšych narodaŭ, jakija ŭžo daŭno asvoili hetaje miesca i hetuju placoŭku dla palotu ŭ budučyniu. Niachaj mir i stvareńnie zastajucca hałoŭnymi metami sučasnych i budučych pakaleńniaŭ», — skazaŭ Łukašenka.
«Z hodu ŭ hod, źbirajučysia pad kupałam Viciebskaha amfiteatra, my razam — i biełarusy, i rasijanie, i, upeŭnieny, niamała tut i ŭkraincaŭ, i našy hości — stvarajem mir! I heta hałoŭnaja misija «Słavianskaha bazaru», — dadaŭ Łukašenka.
Jon adznačyŭ, što raniej uznaharody fiestyvalu «ŭručali tym, chto siońnia akazaŭsia pa toj bok barykad».
«Heta žyćcio, byvaje ŭsiakaje. Ale my ŭručali za mastactva, jakoje hetyja ludzi daryli nam», — padkreśliŭ jon.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary