«Tata adkazvaje na ŭsie pasyłki i banderolki». Svajo 65-hodździe zasnavalnik «Rehijanalnaj haziety» sustrakaje ŭ turmie
Zasnavalnik i hałoŭny redaktar «Rehijanalnaj haziety» Alaksandr Mancevič byŭ zatrymany 15 sakavika paśla pieratrusu ŭ jahonym domie. Na jaho zaviedziena kryminalnaja sprava.
Jaho dačka, Nasta Mancevič, apublikavała ŭ svaim fejsbuku post-zaklik.
«Praz dva tydni 5 žniŭnia ŭ taty dzień naradžeńnia. Svaje 65 hod jon budzie sustrakać u niavoli. Vielmi chočacca, kab asabliva ŭ hety dzień jon adčuvaŭ, što pra jaho pamiatajuć, ja baču, jak dla jaho heta važna. U svaich listach da nas, svajoj siamji, jon raskazvaje pra kožnuju pasyłku i piša: «pryjemna, što ja kamuści patrebny», «vielmi pryjemna, što pamiatajuć i čužyja ludzi»… Tata adkazvaje na ŭsie pasyłki i banderolki, chacia viedaje, što mnohija listy ad jaho nie dachodziać.
Pišu hety post zahadzia, kab vinšavańni paśpieli dajści. Apošnim časam pierapiska zapavoliłasia, listy iduć prykładna ad dvuch tydniaŭ i daŭžej, pasyłki dachodziać chutčej — i z bolšaj vierahodnaściu jon ich atrymaje.
Taksama pišycie svaje pryvitańni ŭ asabistyja mnie ci majoj siastry Aŭhińni Mancevič, my abaviazkova pieradadzim ich tatu.
Dziakuj vialiki ŭsim za padtrymku! Manceviču Alaksandru Barysaviču, 05.08.1958. Śledčaja turma № 8. 222163, h. Žodzina, vuł. Savieckaja, 22A», — napisała jana.
«Rehijanalnaja hazieta» vydavałasia z 1995 hoda. Jana achoplivała Maładziečanski, Vilejski, Vałožynski, Miadzielski, Ašmianski, Astraviecki i Smarhonski rajony. U krasaviku 2023 hoda vydańnie było pryznana ekstremisckimi materyjałami.
Hałoŭny redaktar i zasnavalnik vydańnia Alaksandr Mancevič byŭ zatrymany 15 sakavika.
Śledčy kamitet zajaviŭ, što Manceviču inkryminavany art. 369-1 KK («dyskredytacyja Respubliki Biełaruś»).
Zhodna z materyjałami kryminalnaj spravy, Alaksandr Mancevič, źjaŭlajučysia dyrektaram redakcyi haziety, sumiesna ź inšymi asobami ad 1 studzienia 2020 hoda da 15 sakavika 2023 hoda «raspaŭsiudžvaŭ u drukavanym vydańni i jaho internet-resursach śviadoma łžyvyja źviestki, jakija dyskredytujuć Biełaruś i jaje orhany ŭłady».
-
Pamiatajecie minčuka, jaki razam z maci prapuściŭ cieła zabitaj dziaŭčyny praź miasarubku? Dziadok kaža, što jon u turmie zvarjacieŭ
-
«U kaho bolšaja łodka, toj i maje racyju». Kuchar ź Biełarusi arhanizuje tury na jachtach i katamaranach pa ŭsim śviecie
-
Na miažy z Polščaj sabrałasia čarha z 1700 hruzavikoŭ
Žonka Statkieviča raskazała, pra što paśpieła parazmaŭlać ź im13
Kamientary