Hramadstva2323

U centry Minska chočuć pabudavać pravasłaŭnuju carkvu

Chram moža raźmiaścicca ŭ inšym baku vulicy Niamihi, kala Teatra muzkamiedyi.

U Minsku ŭ budučyni moža źjavicca chram u honar Kazanskaj ikony Božaj Maci, pišuć Minsk-naviny.

U Maskoŭskim rajonie zaviaršyłasia hramadskaje abmierkavańnie architekturna-płanirovačnaj kancepcyi kultavaha abjekta. Abmierkavańnie pravodziłasia ad 13 da 27 červienia. 

Rendar z sajta Minsk-naviny

Abjekt prapanujecca raźmiaścić pamiž Teatram muzyčnaj kamiedyi i «Biełarusbankam». Habaryty chrama: — 28 na 12 mietraŭ u daŭžyniu i šyryniu i 25 mietraŭ u vyšyniu. Za architekturnuju asnovu ŭziaty kryžova-kupalny staražytny typ chrama, jaki pryjšoŭ ź Vizantyi.

U prezientacyi jość histaryčnaja zapiska z tłumačeńniami. Adznačacca, što anałahičny chram isnavaŭ u Minsku. 29 kastryčnika 1888 hoda ź impieratarskim ciahnikom u Rasii zdaryłasia čyhunačnaja katastrofa. Ź siamiejstvam Alaksandra III, praŭda, nie zdaryłasia ničoha błahoha. Ale ŭ pamiać hetaha vyratavańnia ŭ Minsku na Zacharjeŭskaj vulicy była ŭźviedziena kaplica, a na Pryvakzalnaj płoščy pabudavali draŭlanuju carkvu. Paźniej, u 1914-m, jepiskap Minski i Turaŭski Mitrafan aśviaciŭ novy kamienny pryvakzalny chram u imia Kazanskaj ikony Božaj Maci. Chram byŭ uźviedzieny pamiž kaplicaj i draŭlanaj carkvoj i mieŭ vyhlad vieličnaha sabora. Budynak praisnavaŭ da 1936 hoda, draŭlanaja carkva — da 1961-ha. Ich źnieśli savieckija ŭłady.

Jak napisana ŭ prezientacyi prajekta, stračanyja śviatyni «źjaŭlajucca značnaj historyka-kulturnaj kaštoŭnaściu nie tolki ŭ ramkach stalicy, ale i krainy». A niešmatlikaść pravasłaŭnych chramaŭ u centry horada robić aktualnym pytańnie ŭznaŭleńnia takoj carkvy, pišuć Minsk-naviny.

Rendar z sajta Minsk-naviny

Adnak raniejšaje miesca raźmiaščeńnia zabudovy (ciapier pł. Miaśnikova) nie dazvalaje pabudavać tam poŭnapamierny chram. Tamu ŭ kancepcyi prapanujecca ŭ histaryčnym punkcie (na vuł. Miaśnikova, 6) raźmiaścić tolki nievialikuju kaplicu z pamiatnym znakam. A sam chram uźvieści niepadalok, na vulicy Niamizie, i złučyć abodva miescy małymi architekturnymi formami i infarmacyjnymi stendami.

Kaplicu prapanujecca raźmiaścić na krai płoščy Miaśnikova, jana budzie zakrytaha typu (u jaje nie praduhledžany dostup ludziej) i nievialikich habarytaŭ (2,3×2,3×7 m). Na hałoŭnym fasadzie raźmieścicca pamiatny znak u honar ikony Božaj Maci Kazanskaj.

Uličvajučy, što padčas hramadskaha abmierkavańnia nie pastupiła nivodnaha zvarotu ad haradžan, a sama kancepcyja była dapracavana z ulikam papiarednich zaŭvah, to architekturna-horadabudaŭničaja rada padtrymała prajektnuju prapanovu.

Viadoma, što zakazčykam architekturna-płanirovačnaj kancepcyi vystupiŭ prychod chrama ŭ honar Kazanskaj ikony Božaj Maci ŭ h. Minsku.

Kamientary23

  • Łoł
    24.07.2023
    Niešta ja nie razumieju. Na płoščy Miaśnikova tak ci inakš budzie adnoŭleny chram uzarvany balšavikami. Raniej ci paźniej, bo tam jamu miesca. Zvuzić darohu ŭ tym miescy niama nijakoj prablemy. Tady havošta budavać jaho kopiju fih viedaje dzie, dy jašče pryviazvać da histaryčnaha “papiarednika”. Čarhovaja kałhasnaja łohika, pry katoraj śvietapohlad nie dazvalaje myślić na paru krokaŭ upierad. Za što nie vaźmucca ŭsiudy niejkaja łaža.
  • upichnuť nieupichujemoje
    24.07.2023
    kakoj-kakoj matieri?
  • Uład
    24.07.2023
    Heta 100% palityčny prajekt. 

Ciapier čytajuć

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Usie naviny →
Usie naviny

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna14

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

bolš čytanych navin
bolš łajkanych navin

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić