Polskija pamiežniki zajavili pra šmatlikija napady na ich ź Biełarusi
Polskija pamiežniki ŭ aŭtorak, 25 lipienia, zajavili pra šmatlikija ataki na ich z terytoryi Biełarusi. Pra heta ŭ tvitary napisała Pamiežnaja słužba Polščy, jakaja taksama apublikavała videa.
Jak śćviardžajuć pamiežniki, mužčynam z boku Biełarusi, jakija mieli namier nielehalna pierasiekčy miažu, nie spadabałasia, što miaža achoŭvajecca i na ich šlachu, akramia techničnaha barjera, stajać polskija patruli. Jak skazana ŭ paviedamleńni, «ludzi ź biełaruskaha boku kidajuć kamieńnie, hallo ŭ aficeraŭ i sałdat» Polščy.
«Biełaruskija słužby, jakija kaliści byli adkaznyja za achovu miažy, udzielničajuć u arhanizacyi i zaachvočvańni nielehalnych pierasiačeńniaŭ miažy», — adznačajecca ŭ paviedamleńni.
Na granicy dochodzi do licznych ataków na polskie służby.Osoby po białoruskiej stronie rzucają w funkcjonariuszy i żołnierzy kamieniami,konarami drzew. Służbykiedyś odpowiedzialne za ochronę granicy zajmują się organizowaniem i zachęcaniem do jej nielegalnego przekraczania pic.twitter.com/oIkPEaH41a
Pavodle słoŭ polskich pamiežnikaŭ, ich biełaruskija kalehi «pakazvajuć na zručnyja miescy dla nielehalnaha pierasiačeńnia miažy», a taksama «dajuć abstalavańnie dla praryvu praz pamiežnuju achovu dla zamiežnikaŭ, jakija nie šukajuć mižnarodnaj abarony ŭ Polščy».
«Cehła, bruk, druz, što vykarystoŭvajucca padčas napadaŭ, nie vypadkova znachodziacca kala šłahbauma, ich pastaŭlajuć biełaruskija słužby, a dziejańni tych, chto sprabuje pierasiačy miažu nasupierak dziejnym praviłam, pahražajuć žyćciu i zdaroŭju aficeraŭ», — taksama havorycca ŭ paviedamleńni.
Na praciahu niadzieli, 23 lipienia, nielehalnyja mihranty, jakija sprabavali prarvacca ź Biełarusi na terytoryju Polščy, nibyta šeść razoŭ ahresiŭna atakavali polskich pamiežnikaŭ.
Ciapier čytajuć
28‑hadovuju ŭkrainku z Maryupala asudzili ŭ Minsku za palityku. Čamu jana apynułasia ŭ Biełarusi, niajasna3
Kamientary