Hramadstva33

Minpryrody vajuje z aharodžaj u Biełaviežskaj puščy. Čynoŭniki nakiravali zvarot u Kamitet Kanviencyi Espa

Adzinaje, pra što zabylisia ŭ Minpryrody, — heta toje, što pryčynaj źjaŭleńnia hetaha płota byŭ mihrancki kryzis na miažy z Polščaj, arhanizavany biełaruskimi ŭładami.

Na miažy Polščy ź Biełaruśsiu źjaviłasia aharodža daŭžynioj 206 km i vyšynioj 5 mietraŭ. Jaje košt — kala $400 miljonaŭ. Fota: BiełTA

Pra zvarot u Kamitet Kanviencyi ab acency ŭździejańnia na navakolnaje asiarodździe ŭ transhraničnym kantekście raspavioŭ ministr pryrodnych resursaŭ i achovy navakolnaha asiarodździa Andrej Chudyk.

Minpryrody zajaŭlaje, što Polšča nie vykonvaje ŭziatyja na siabie mižnarodnyja abaviazańni ŭ halinie achovy bijałahičnaj i łandšaftnaj raznastajnaści.

«Naša viedamstva źviartałasia da kampietentnych mižnarodnych arhanizacyj i orhanaŭ šmatbakovych pryrodaachoŭnych pahadnieńniaŭ z prośbaj akazać sadziejničańnie ŭ vyrašeńni hetaj prablemy. Adnak naša prośba była pakinutaja biez uvahi. Razam z tym Biełaruś praciahvaje adstojvać svaje pazicyi. U krasaviku hetaha hoda my nakiravali ŭ Kamitet pa ažyćciaŭleńni Kanviencyi ab acency ŭździejańnia na navakolnaje asiarodździe ŭ transhraničnym kantekście pradstaŭleńnie Biełarusi ab parušeńni Polščaj pałažeńniaŭ mižnarodnaha dahavora», — zajaviŭ Andrej Chudyk.

Pavodle jaho słoŭ, hety dahavor zamacoŭvaje abaviazak jaho dziaržaŭ-udzielnic pravodzić praceduru acenki ŭździejańnia na navakolnaje asiarodździe budaŭnictva abjektaŭ, jakija mohuć akazvać niehatyŭnaje transhraničnaje ŭździejańnie na navakolnaje asiarodździe. Niekatoryja vidy dziejnaści taksama razhladajucca pa pracedury Kanviencyi Espa, naprykład, šyrokaja vysiakańnie lasoŭ.

«Spadziajomsia, što Kamitet pa ažyćciaŭleńni Kanviencyi Espa adkinie palityčnuju prychilnaść i razhledzić naša pradstaŭleńnie, asabliva z punktu hledžańnia achovy navakolnaha asiarodździa», — dadaŭ ministr pryrodnych resursaŭ i achovy navakolnaha asiarodździa.

Raniej Varšava zbudavała na miažy ź Biełaruśsiu aharodžu daŭžynioj 186 km i vyšynioj 5 mietraŭ. Ułady Polščy miarkujuć, što płot dazvolić abaranicca ad nielehalnych mihrantaŭ. 

Čytajcie taksama:

«Biełaruskija śpiecsłužby pahražali nas zabić». Novaja hrupa mihrantaŭ na miažy Biełarusi i Polščy raspaviała ab pahrozach z boku łukašenkaŭskich siłavikoŭ

Novym kiraŭnikom Pahrankamiteta staŭ uradženiec Rasii, jaki adkazvaŭ za Bruzhi ŭ čas ataki mihrantami na Polšču

U Biełharodskaj vobłaści RDK uziaŭ u pałon rasijskich vajskoŭcaŭ i prapanuje hubiernataru pieramovy

Kamientary3

  • Minkult asoby
    04.06.2023
    Minpryrody turbujecca ab žyviołach, u toj čas jak u Biełarusi bolej za 1500 palitviaźniaŭ, jakija niezakonna ŭtrymlivajucca ŭ niečałaviečych umovach. Ale heta Minpryrody nie turbuje…
  • Josik
    04.06.2023
    Nie tudy list nakiravaŭ, kłopat ab žyviołach, kažaš. Dašli łukašenki, bo, jak ja razumieju, u lipieni papruć novaj chvalaj - na słavianski bazar možna bieź vizy pryjechać, tysiačy amataraŭ słavianskich śpievaŭ z Afhanistana, Iraka, afrykanskich krain nie mohuć dačakacca aficyjnaha adkryćcia najbujniejšaha śviata ŭ centry Jeŭropy, usie jany chočuć svaimi vačami pabačyć vialikaha łukašenku (spadziajusia, što nie dajedzie, ministar kultury adkryje pa daručeńni pramoŭcy ŭsiakaj bzdury).
  • Andruś
    04.06.2023
    Vyvieści Biełaruś z Orchusskaj kanviencyi, jakaja rehuluje pravy ludziej u śfiery ekałohii - heta dla hetaha nielehalnaha ministerstva, pryznačanaha samaabvieščanym prezidentam - narmalna, a ŭ płocie na miažy jany ŭbačyli parušeńnie Polščaj uziatych na siabie damovaŭ.  
    Pakolki orhany ŭłady, stvoranyja i pryznačanyja łukašenkam, źjaŭlajucca niezakonnymi,  Kamitet pa ažyćciaŭleńni Kanviencyi ab acency ŭździejańnia na navakolnaje asiarodździe ŭ transhraničnym kantekście pavinien praihnaravać zvarot ad niejkaj hrupy asobaŭ, jakaja nazyvaje siabie "Minpryrody Biełarusi" i jakuju narod krainy nie nadzialaŭ pravam pradstaŭlać jahonyja cikavaści. 

    https://dck8xvlq18iei.cloudfront.net/318317

Ciapier čytajuć

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Usie naviny →
Usie naviny

Dalar upaŭ na try kapiejki

Rasijskija simki šmat kaho ź biełarusaŭ zabłakujuć, a aŭtobusy ŭ Picier zastanucca biez Wi-Fi16

Saakašvili pryhavaryli jašče da čatyroch z pałovaj hadoŭ turmy3

Rasija patrabuje «žalezabietonnych harantyj» nieŭstupleńnia Ukrainy ŭ NATA9

Rełakanty ŭ Litvie zapłaciać dvojčy? Raźbirajemsia, jak žyć biez pahadnieńnia ab padatkach8

Na adnym ź minskich plažaŭ źjaviacca podyumy dla zaharu

Na Daŭhinaŭskim trakcie pierakuliŭsia aŭtamabil. Ludzi sami vyleźli ź jaho

Dziaržsakratar ZŠA raskazaŭ pra dva płany vyrašeńnia kanfliktu va Ukrainie10

U Biełaruś prylacieli pieršyja busły2

bolš čytanych navin
bolš łajkanych navin

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Hałoŭnaje
Usie naviny →

Zaŭvaha:

 

 

 

 

Zakryć Paviedamić