U Vałožynskim rajonie adkryli pamiatny znak prezidentu Izraila Šymonu Pieresu
U Višnievie Šymon Pieres naradziŭsia. Siońnia 100 hadoŭ z dnia naradžeńnia našaha słavutaha ziemlaka.
U Vałožynskim rajonie adkryli pamiatny znak dziaviatamu prezidentu Izraila, uradžencu vioski Višnieva Šymonu Pieresu, paviedamlaje «Minskaja praŭda».
Paśla hetaha ŭdzielnikam cyrymonii — namieśniku staršyni Minskaha abłvykankama Ivanu Markieviču, časovamu pavieranamu ŭ spravach dziaržavy Izrail u Biełarusi Ćvi Mirkine i pradstaŭniku jaŭrejskaha nacyjanalna-kulturnaha abjadnańnia — było prapanavana pačastavacca vadoj z kałodzieža ŭ dvary staroha doma Šymona Pieresa.
Skulptar Kanstancin Kaściučenka taksama raspavioŭ, jakimi idejami kiravaŭsia pry stvareńni znaka.
Šymon Pieres naradziŭsia 2 žniŭnia 1923 hoda ŭ Višnievie, jakoje tady ŭvachodziła ŭ skład Polščy. U 1931 hodzie jahony baćka emihravaŭ u Paleścinu, a praz dva hady da ich pierabrałasia žonka ź dziećmi.
Jaho palityčnaja karjera doŭžyłasia bolš za 70 hadoŭ.
Šmathadovy deputat Knesieta, jaki abiraŭsia bieśpierapynna z 1959 hoda da 2007 hoda (pačynajučy z 4-ha sklikańnia i da 17-ha sklikańnia Knesieta), vośmy premjer-ministr (zajmaŭ pasadu dvojčy, 1984—86 i 1995—96). Zajmaŭ ministerskija pasady ŭ 12 kabinietach ministraŭ: dvojčy byŭ ministram abarony (1974—1977 i 1995—1996), trojčy ministram zamiežnych spraŭ (1986—1988, 1992—1995 i 2001—2002), ministram unutranych spraŭ (1984), ministram finansaŭ (1988—1990), ministram suviazi (1970—1974), ministr transpartu (1970—1974), ministram absorbcyi (1969—1970) dy inš.
Prezidentam Izraila byŭ u 2007—2014 hadach.
Pamior u 2016 hodzie.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
a ci varta hetym hanarycca?