Jak stała viadoma «Našaj Nivie», u punktach propusku na miažy pastrožyli pravierki «nienadziejnych» biełarusaŭ — tudy ŭvajšoŭ jašče adzin, novy elemient.
Viadoma, što na ŭjeździe ŭ Biełaruś byvajuć vypadki, kali hramadzian našaj krainy pry prachodžańni pamiežnaha kantrolu «advodziać ubok» asoby ŭ cyvilnym, jakija pačynajuć zadavać pytańni na palityčnyja temy, patrabavać dostup da devajsaŭ i hetak dalej.
Hrupa ryzyki ŭ hetych vypadkach — tyja biełarusy, jakija pryciahvalisia da administratyŭnaj adkaznaści pa «palityčnych» artykułach u apošnija hady.
Zvyčajna ŭ devajsach praviarajuć pierapiski ŭ sacyjalnych sietkach, padpiski na zabaronienyja dziaržavaj resursy, fotaalbomy na pradmiet nacyjanalnaj biełaruskaj simvoliki i ŭdziełu ŭ akcyjach.
Ale, jak nam stała viadoma, dadaŭsia novy punkt u chodzie takoha niefarmalnaha elektronnaha vobšuku: śpiecsłužbisty časam praviarajuć IMIEI mabilnaha telefona čałavieka, jakoha jany adviali na dopyt.
Zvyčajna ŭ mieniu «asabistych danych» telefona možna ŭvajści, uvioŭšy *#06#.
Kod IMIEI unikalny dla kožnaha devajsa, jon vykarystoŭvajecca dla identyfikacyi telefona ŭ sietcy.
Mabilnyja apieratary viedajuć, da jakoha devajsa jakaja simka była pryviazanaja. Tak, u pryvatnaści, šukajuć skradzienyja mabilnyja — jak tolki ŭ sietcy źjaŭlajecca telefon ź IMIEI, identyčnym skradzienamu devajsu, złodzieja znachodziać.
Biełaruskija apieratary mabilnaj suviazi zachoŭvajuć archiŭ nie tolki taho, jakija simki znachodzilisia ŭ jakoj zonie mabilnaj suviazi, ale i jakija IMIEI. I pa simkach, i pa IMIEI možna rekanstrujavać maršrut ruchu luboha telefonnaha aparata — a, adpaviedna, jaho ŭładalnika, pa krainie.
Pa IMIEI možna identyfikavać, skažam, aparaty, jakija zaśviacilisia ŭ peŭnaj mabilnaj zonie ŭ peŭny momant času 2020-ha, abo aparaty, jakija zaśviacilisia vakoł aeradroma Mačuliščy ŭ lutym 2023-ha, abo ź jakich rabiŭsia zvanok, naprykład, supracoŭnikam MUS, SK ci inšych siłavych struktur, navat kali ŭ aparacie ŭ hety čas stajała nie biełaruskaja, a zamiežnaja simka.
Zdajecca, IMIEI praviarajuć najpierš u tych, chto časta jeździć za miažu i moža karystacca zamiežnaj sim-kartaj, a taksama ŭ zamiežnikaŭ, pieradusim ukraincaŭ.
Dla čaho ludziej šukajuć pa IMIEI, my nie viedajem. Ale my viedajem, što šukajuć.
Što novaha praviarajuć u telefonach na miažy pry viartańni ŭ Biełaruś
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ
«Połk Kalinoŭskaha pryjdzie vyzvalać Biełaruś — ty budzieš rady»? Što pytajucca i što hladziać u telefonie — raskazvaje čałaviek, jaki niadaŭna prachodziŭ miažu
Biełarusy stvaryli bot, jaki dapamoža adšukać paviedamleńni ŭ čatach. Voś jak jon pracuje i čamu heta važna dla biaśpieki
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary