U Połacku archieołahi viaduć raskopki na terytoryi stadyjona «Spartak». I ŭžo majuć kaštoŭnyja znachodki
Studenty Połackaha dziaržaŭnaha ŭniviersiteta pad kiraŭnictvam staršaha vykładčyka kafiedry historyi i turyzmu Alaksieja Koca pravodziać archieałahičnyja raskopki na terytoryi stadyjona «Spartak», dzie kaliści raźmiaščałasia staražytnaje pasielišča, a ŭ XVI stahodździ byŭ pabudavany Nižni zamak, paviedamlaje miascovy sajt Gorod214.
Pry rekanstrukcyi stadyjona «Spartak» zapłanavanyja budaŭničyja raboty pa zamienie pakryćcia, a pierad hetym nieabchodna pravieści vyvučeńnie staražytnaha pomnika. Udzielničajuć u daśledavańniach studenty-vałanciory śpiecyjalnaści «Hieadezija» pad kiraŭnictvam Alaksieja Koca.
Placoŭka stadyjona, jak raskazaŭ Alaksiej Koc, raniej nie vyvučałasia. Raskopki pravodzilisia tolki na sumiežnych terytoryjach, tamu archieołahi sutyknulisia z zadačaj vyznačeńnia zachavanaści kulturnaha płasta i vyznačeńnia chranałahičnych etapaŭ jaho farmavańnia.
Na hetym etapie pravodzicca zakładka šurfaŭ pa ŭsioj placoŭcy stadyjona. Užo raskryta 7 placovak i papiarednija vyniki, pa słovach archieołaha, nie mohuć nie radavać. U pryvatnaści, vyznačana najaŭnaść kulturnych słajoŭ jak pieryjadu Połackaha kniastva, tak i XVI-XVIII stahodździaŭ.
Ździŭlaje najaŭnaść «mokraha» kulturnaha płasta, u jakim dastatkova dobra zachoŭvajecca draŭnina. Prysutnaść mahutnaha płasta hnoju XI stahodździa dazvoliła vyjavić lasnyja arechi, nasieńnie prosa, maku i kanoplaŭ.
Taksama znojdzienyja karali X-XII stahodździaŭ, šyfiernyja praślicy, hirka-raznavies, abutkovyja padkoŭki, kaścianaja prakołka, hruziła tkackaha stanka, zahatoŭka dla šachmatnaj fihury, nacielny kryž XVIII stahodździa, kuli 1812 hoda i inšyja artefakty.
Šmatlikija frahmienty juvielirnych tyhlaŭ mohuć śviedčyć pra prysutnaść na hetaj terytoryi juvielirnaj vytvorčaści. Paćviardžeńniem słužyć i znojdzieny ŭ adnym z šurfaŭ frahmient załatoha vyrabu.
Usiaho na płoščy 15 kvadratnych mietraŭ užo padniata ź ziamli bolš za 60 indyvidualnych znachodak. Kancentracyja artefaktaŭ śviedčyć pra dobruju zachavanaść kulturnaha płasta i padkreślivaje nieabchodnaść praviadzieńnia šyrejšych archieałahičnych daśledavańniaŭ u hetym važnym histaryčnym miescy.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Opački ŭsim stajać