U Minsku na vulicy Śviardłova, 11 źjaviŭsia ispana-aŭstralijski restaran Bull&Roo, vokny jakoha vychodziać prosta na stadyjon «Dynama». Adkryŭ jaho restaratar Hleb Hruzier, na rachunku jakoha ŭžo 16 prajektaŭ u Abu-Dabi, Dubai i Šardžy. Praŭda, u Minsku heta tolki druhi prajekt zasnavalnika: pieršy — Middle Ground — pracuje na Kastryčnickaj, paviedamlaje CityDog.io.
Interjer restarana atrymaŭsia cikavym. Pa afarmleńni jon nahadvaje nievialikaje siamiejnaje kafe dzie-niebudź u Ispanii, adnak vialikaja płošča zały dazvalaje raźmiaścić niamała haściej.
Cikava, što dyzajnam interjeru zajmałasia maci Hleba, tamu prajekt bieź pierabolšańnia možna nazvać siamiejnym. Praktyčna ŭsia mebla ŭ Bull&Roo vykananaja na zamovu, a posud u restaranie — sapraŭdny tvor mastactva.
Jak vynikaje z kancepcyi, u Bull&Roo prapanujuć stravy ispanskaj i aŭstralijskaj kuchniaŭ. Naprykład, jość tapasy (pa 7 rub.), tosty (ad 15 da 35 rub.), syrnaje ci miasnoje płato (35 i 60 rub. adpaviedna), supy (pa 13—15 rub.), sałaty (ad 17 da 37 rub.), asnoŭnyja stravy (ad 17 da 55 rub.), bakadzilja i burhiery (ad 27 da 34 rub.), paelja (ad 50 da 75 rub.), harniry (pa 6 rub.) i desierty (ad 12 da 14 rub.).
Z paniadziełka da piatnicy restaran pracuje ad 17:00 da 00:00, u subotu i niadzielu — ad 15:00. Možna prychodzić z sabakami.
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary