Hrafskuju siadzibu ŭ Čačersku vystavili na prodaž treci raz, užo praktyčna zadarma
Pieršy raz byłuju siadzibu hrafa Čarnyšova-Kruhlikava ŭ Čačersku vystavili na aŭkcyjon u sakaviku hetaha hoda. Na toj momant za jaje prasili 859 tysiač rubloŭ. Ale tady nichto nie nabyŭ nieruchomaści. Na tarhach u mai košt źnizili ŭdvaja, adnak i tut nie znajšłosia pakupnika. Nastupny aŭkcyjon pryznačany na 31 žniŭnia, i pačatkovy košt siadziby budzie ŭsiaho 37 rubloŭ.
Za hetuju sumu pakupniku prapanujuć izalavanaje pamiaškańnie ŭ dvuchpaviarchovym cahlanym budynku, jakoje nie naležyć žyllovamu fondu. Zatoje tam jość elektryčnaść, chałodnaja vada, centralnaje aciapleńnie, kanalizacyja i vientylacyja.
Budynak, adnak, maje status historyka-kulturnaj kaštoŭnaści, i toj, chto jaho kupić, abaviazany padpisać achoŭnaje abaviazacielstva. Akramia taho, kupiec pavinien zrabić restaŭracyju i ramontnyja raboty na praciahu ŭsiaho 24 miesiacaŭ i za hety ž čas pačać vykarystoŭvać abjekt u ramkach pradprymalnickaj dziejnaści.
Aŭkcyjon pačniecca 31 žniŭnia a 10-j ranicy, zajaŭki na ŭdzieł prymajucca da 15:00 28 žniŭnia.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary
eto pravda7