Na 65-m hodzie žyćcia raptoŭna pamior kandydat piedahahičnych navuk, kolišni dekan fakulteta kulturałohii i sacyjakulturnaj dziejnaści Biełaruskaha dziaržaŭnaha ŭniviersiteta kultury i mastactvaŭ Mikałaj Karaloŭ.
Praktyčna ŭsio žyćcio Mikałaja Karalova było źviazana ź Biełaruskim dziaržaŭnym univiersitetam kultury i mastactva. Sam skončyŭšy tady jašče Instytut kultury ŭ 1984 hodzie, jon paśla ŭ im usio žyćcio i pracavaŭ.
Z 1993 da 2004 hoda jon kiravaŭ kafiedraj mieniedžmientu sacyjalna-kulturnaj dziejnaści, paśla byŭ dekanam fakulteta kulturałohii i sacyjakulturnaj dziejnaści, prafiesaram kafiedry mižkulturnych kamunikacyj BDUKM.
Ź inicyjatyvy Mikałaja Karalova ŭ BDUKM byli adkrytyja śpiecyjalnaść «Sacyjalna-kulturnaja dziejnaść», śpiecyjalizacyi «Mieniedžmient sacyjalnaj i kulturnaj śfiery», «Mieniedžmient mižnarodnych kulturnych suviaziaŭ» i praktyka-aryjentavanaja mahistratura «Art-mieniedžmient».
Taksama jaho starańniami i pry jahonaj padtrymcy byli realizavanyja šerah sumiesnych kulturna-adukacyjnych prajektaŭ dla studentaŭ univiersiteta, stvorany kłub JUNIESKA «Art-kantakt».
Na praciahu mnohich hadoŭ Karaloŭ byŭ siabram praŭleńnia i namieśnikam staršyni Respublikanskaha hramadskaha abjadnańnia «Biełaruskaja asacyjacyja kłubaŭ JUNIESKA».
U 2018 hodzie Mikałaj Karaloŭ byŭ uznaharodžany nahrudnym znakam Ministerstva kultury «Za ŭkład u raźvićcio kultury Biełarusi».
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma2
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary