Prafiesar Połackaha ŭniviersiteta stvaryŭ navukovuju škołu ŭ halinie płaźmiennaj elektroniki.
Doktar techničnych navuk, prafiesar u halinie navuki i techniki, zasłužany navukoviec i piedahoh Uładzimir Hruździeŭ pamior va ŭzroście 83 hadoŭ, paviedamlaje gorod214.
Uładzimir Hruździeŭ pracavaŭ u Połackim dziaržaŭnym univiersitecie z 1993 da 2020 hoda. Jon kiravaŭ kafiedraj fiziki, zatym byŭ prafiesaram kafiedry, pieradavaŭ svoj vopyt maładym kaleham.
«Uładzimir Alaksiejevič zaŭsiody byŭ dušoj kalektyvu, jaho pavažali i šanavali i kalehi, i studenty. Jon byŭ piedahoham, jaki ŭmieŭ jarka, vobrazna i dachodliva tłumačyć samyja składanyja fizičnyja źjavy pryrody i pryncypy pracy techničnych pryład», — piša sajt PDU.
Akramia piedahohiki, žyćcio Uładzimira Hruździeva była ciesna źviazana z navukovaj dziejnaściu. Z 1993 hoda pad jaho kiraŭnictvam u Połackim dziaržaŭnym univiersitecie imia Jeŭfrasińni Połackaj aktyŭna raźvivalisia daśledavańni karpuskularna-pramianiovych technałohij, fiziki płazmy i technałohij atrymańnia materyjałaŭ z zadadzienymi ŭłaścivaściami.
U 2005 hodzie pry kafiedry fiziki była stvorana navukova-praktyčnaja łabaratoryja «elektronnaj i ionnaj technałahičnaj aparatury». Taksama na kafiedry byli adkryty mahistratura i aśpirantura pa śpiecyjalnaści «Vakuumnaja i płaźmiennaja elektronika», rada pa abaronie dysiertacyj.
Vynikam navukovaj i arhanizatarskaj dziejnaści Uładzimira Hruździeva stała stvareńnie novaha ŭ krainie navukovaha napramku i navukovaj škoły ŭ halinie płaźmiennaj i emisijnaj elektroniki. U ramkach raboty škoły apublikavana bolš za sto navukovych prac, atrymany šmatlikija patenty. Pa tematycy daśledavańniaŭ navukovaj hrupy abaronieny 7 mahistarskich, 4 kandydackija i adna doktarskaja dysiertacyi.
Za pracoŭnuju dziejnaść Uładzimir Hruździeŭ adznačaŭsia respublikanskimi ŭznaharodami, byŭ vydatnikam adukacyi Respubliki Biełaruś, pieramožcam śpiecyjalnaj premii Połackaha dziaržaŭnaha ŭniviersiteta «Krynica viedaŭ» u naminacyi «honar i słava».
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
-
Ministr zamiežnych spraŭ Ukrainy anansavaŭ vizit Cichanoŭskaj u Kijeŭ
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary