Hramadstva1515

Pałonnyja biełarusy, jakija vajavali za Rasiju, prosiać abmianiać ich na pałonnych kalinoŭcaŭ abo palitźniavolenych

Biełarusy Maksim Ziaziulčyk i Andrej Hieryłovič, jakija vajavali va Ukrainie na baku Rasii, a ciapier va ŭkrainskim pałonie, zapisali zvarot da Alaksandra Łukašenki.

Skryn videa

U videa, jakoje apublikavali ŭkrainskija kanały, mužčyny prosiać u Łukašenki i inšych pradstaŭnikoŭ režymu dapamohi, kab ich abmianiali na vajennapałonnych, jakija zmahalisia za Ukrainu, abo na palitviaźniaŭ.

«Kab vy źviazalisia z pradstaŭnikami pałka Kastusia Kalinoŭskaha i zrabili abmien nas. Kali takoha abmienu nie adbudziecca, jak skazali pradstaŭniki dadzienaj arhanizacyi, moža adbycca ŭsio, što zaŭhodna. U dadzienaj situacyi nie ŭpaści tvaram u brud, zabrać svaich ludziej, nie viedaju, nakolki my ŭžo svaje da vas, ale ja spadziajusia, što vy nas zabieracie, što vy nas nie zabudziecie. Niedzie my pastupili niapravilna, u nas svaja ideałohija, u našaha praciŭnika — svaja ideałohija», — kaža Ziaziulčyk.

Pałonnyja ŭ videa prosiać, kab momant abmienu adbyŭsia jak maha chutčej.

Pałonnyja biełarusy Maksim Ziaziulčyk i Andrej Hieryłovič vyhladajuć dobra, jany nie schudniełyja. 

Učora fota ź imi, vajarom pałka Kalinoŭskaha z pazyŭnym «Mark» i błohieram Maksimam Šabuckim apublikavaŭ ukrainski błohier BalaganOFF u svaim telehram-kanale.

Fota: telehram-kanał BalaganOFF

Raniej z zaklikami da Kijeva vykarystać svaje mahčymaści dla vyzvaleńnia dvaich pałonnych kalinoŭcaŭ, a taksama palitźniavolenych vystupali biełaruskija inicyjatyvy i hramadskija dziejačy. Vierahodna, zvarot pałonnych nie moh źjavicca bieź inicyjatyvy abo zhody ŭkrainskich uładaŭ.

Ziaziulčyk Maksim u svoj čas jon słužyŭ u vajskovaj čaści ŭ Marjinaj Horcy pad Minskam, jakaja ŭvachodzić u skład Sił śpiecyjalnych apieracyj Respubliki Biełaruś. U kancy 2021 hoda jon zavierbavaŭsia ŭ pryvatnuju vajskovuju kampaniju «Redut». Pavajavać va Ukrainie jon paśpieŭ niašmat — ź lipienia da vieraśnia 2022-ha, pakul nie trapiŭ u pałon. Jon udzielničaŭ u bajach kala Krasnapolla ŭ Danieckaj vobłaści, dzie byŭ paranieny. Paźniej u składzie bataljona «Vieterany» jaho pierakinuli na pazicyi kala Svatava ŭ Łuhanskaj vobłaści, dzie išli najbolš žorstkija bai. Potym rasijanie pierakinuli hetaje padraździaleńnie ŭ Limanski rajon Danieckaj vobłaści.

Słužba biaśpieki Ukrainy ličyć, što Maksim Ziaziulčyk byŭ supracoŭnikam biełaruskaha KDB.

Andrej Hieryłovič — z PVK «Vahnier». Pavodle danych Nachvardyi, bajec maje pazyŭny «Zaspa» (nazva jaho rodnaj vioski), jon karektavaŭ artyleryju rasijskich najmitaŭ. Pra toje, što jon u pałonie, stała viadoma ŭ listapadzie 2022-ha. Ukrainski sud prysudziŭ jamu 9 hod pazbaŭleńnia voli.

Kamientary15

  • Chorošij biełorus
    05.08.2023
    Nu, eto da, eto sieŕjoznaja zajavka.
  • Kazik
    05.08.2023
    Śmiešna. Dla Łuki čałaviek nie maje kaštoŭnaści. A hetyja dva mankurty tym bolš
  • Čto-to nie tak
    05.08.2023
    A pričiom zdieś Łukašienko? Pusť Putina prosiut. I kto takije kalinovcy?

Ciapier čytajuć

Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam18

Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam

Usie naviny →
Usie naviny

U vakalista Queen Fredzi Mierkjury była pazašlubnaja dačka1

Čamu nie varta rabić kampjutarnuju tamahrafiju biez surjoznaj patreby6

U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja5

U centry Minska prajšli spabornictvy na drahanbotach FOTY1

Amazonskaje plemia padało ŭ sud na The New York Times za «paklopnicki» artykuł pra moładź i porna3

U ZŠA spyniać vypusk adnacentavych maniet2

Zabity ŭ Ispanii paplečnik Janukoviča za niekalki dzion da śmierci pryjazdžaŭ va Ukrainu2

«U mianie było piać mužčyn. Šosty — Isus». Asia Papłaŭskaja chacieła stać manaškaj, ale nie atrymałasia18

Ukraina ŭ miežach abmienu z Rasijaj pieradała jašče adnaho pałonnaha biełarusa. Raniej pra jaho pałon nie paviedamlałasia5

bolš čytanych navin
bolš łajkanych navin

Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam18

Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić