Dyk ci byli 5 žniŭnia rakiety ź Biełarusi? Ukrainskaja raźviedka sumniavajecca, połk Kalinoŭskaha pierakanany, što nie było
Uviečary 5 žniŭnia Pavietranyja siły USU paviedamili pra masiravanuju ataku na terytoryju Ukrainy. Jany zajavili, što jość rakiety i z boku Biełarusi. Ale bolš detalaŭ nie pryviali.
Pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ paźniej skazaŭ u kamientary «Ukrinfarm», što Rasija mahła imitavać puski rakiet z terytoryi Biełarusi z metaj pravakacyi — kab uciahnuć u vajnu suprać Ukrainy.
«Adnosna rakiet z terytoryi Biełarusi — vierahodna, heta byŭ elektronny pusk abo imitacyja pusku, pakolki na terytoryi hetaj krainy raźmieščanyja rasijskija vojski, siły i srodki dla roznaha rodu pravakacyj, kab uciahnuć jaje ŭ vajnu suprać Ukrainy», — adznačyŭ jon.
«Fizična pusku mahło i nie być, ale ŭsio mahło być zładžana tak, byccam puski adbyvalisia z terytoryi Biełarusi. Infarmacyja ciapier praviarajecca», — dadaŭ pradstaŭnik HUR.
Połk Kalinoŭskaha zajaviŭ, što, pavodle infarmacyi, jakoj jany vałodajuć, «nijakich atak z boku Biełarusi nie adbyłosia».
Kampałka Dzianis Procharaŭ «Kit» skončyŭ svoj zvarot da biełarusaŭ zaklikam: «nie dajcie siabie padmanuć».
-
Pucin źmianiŭ mety ŭ vajnie na karotkaterminovyja i skancentravaŭsia na kantroli zachoplenych terytoryj — CNN
-
Vice-prezident ZŠA: U nastupnyja 100 dzion ZŠA pasprabujuć arhanizavać pieramovy Rasii i Ukrainy
-
MZS Rasii: Za płanam adnaŭleńnia Ukrainy ŭ miežach 1991 hoda staić ludajedski instynkt źniščeńnia ŭsiaho ruskaha
Kamientary