Žurnalisty i vałanciory dakładna paćvierdzili śmierć padčas vajny z Ukrainaj bolš za 30 tysiač rasijskich vajskoŭcaŭ
Vydańnie «Miedyjazona» sumiesna ź Bi-bi-si i kamandaj vałancioraŭ praciahvaje vieści pajmienny śpis zahinułych na vajnie z Ukrainaj rasijskich sałdat. Robiać heta žurnalisty i vałanciory pavodle adkrytych krynic, i kožny vypadak śmierci dakładna paćvierdžany.
Na hety momant dakładna zahinułych rasijskich vajskoŭcaŭ nabrałasia 30 003 čałavieki, ź ich 1 351 dadaŭsia za apošnija dva tydni.
Pry hetym žurnalisty padkreślivajuć, što atrymanaja takim čynam ličba nie adlustroŭvaje realnaha ŭzroŭniu strat, bo jany ŭličvajuć tolki publičnyja paviedamleńni pra hibiel taho ci inšaha vajskoŭca. Da ich adnosiacca pasty svajakoŭ u sacyjalnych sietkach, naviny ŭ rehijanalnych miedyja i paviedamleńni miascovych uład.
Realnaja kolkaść zahinułych značna vyšejšaja: pavodle padlikaŭ «Miedyjazony» i «Mieduzy», heta 47 tysiač čałaviek na kaniec maja 2023 hoda. Hetaja kolkaść atrymanaja na padstavie raźliku zališniaj śmiarotnaści rasijskich mužčyn za adpaviedny pieryjad času.
Bolš za ŭsio pachavalnych prychodzić u Śviardłoŭskuju i Čalabinskuju vobłaści, Baškartastan, Buraciju i Rastoŭskuju vobłaść.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary