Niaŭdačy na pieršym etapie kontrnastupleńnia prymusili Ukrainu źmianić taktyku, piša hazieta Financial Times.
Vajskoŭcy, ź jakimi pahavaryli žurnalisty FT, apisvajuć pieršyja dni kontrnastupleńnia Ukrainy jak «chaos». Prasoŭvańnie supravadžałasia incydentami z ahniom pa svaich, a sproby atakavać pieratvaralisia ŭ vyratavalnyja apieracyi paśla taho, jak ukraincaŭ spyniali minnyja pali, supraćtankavyja rakiety i ataki rasijskich viertalotaŭ Ka-52, pierakazvaje artykuł Bi-bi-si.
Na hetym etapie Ukraina straciła prykładna piatuju častku ŭzbrajeńnia, pieradadzienaha joj NATA, jak piša Financial Times. U vyniku Kijeŭ źmianiŭ taktyku, i heta, pa słovach ukrainskich kamandziraŭ, zdajecca, dazvalaje damahčysia niekatorych adčuvalnych vynikaŭ na poli boju.
Zamiest šturmavych dziejańniaŭ ukrainskija vajskoŭcy pierajšli da masiravanaha vykarystańnia artyleryi, jakaja pieraŭzychodzić rasijskuju pa dalokaści i dakładnaści. Heta dazvalaje zabiaśpiečvać prasoŭvańnie pieradavych hrup i damahacca taktyčnych pośpiechaŭ bieź vialikich strat.
Spačatku ŭkraincy nanosiać udary pa praciŭniku, zatym idzie piachota.
Da hetaj stratehii ŭ krain Zachadu taksama jość pytańni: pierš za ŭsio, ci zmoža Ukraina prytrymlivacca jaje dastatkova doŭha, kab damahčysia takoha vajennaha praryvu, jaki prymusić Maskvu sieści za stoł pieramoŭ. Isnuje aściaroha, što ŭkrainskija Uzbrojenyja siły zanadta chutka raschodujuć svaje zapasy artyleryjskich snaradaŭ, a z-za praźmierna pavolnaha prasoŭvańnia vajskoŭcaŭ u rasijan moža źjavicca čas, kab akapacca i navučyć śviežyja siły.
Ale ŭ karotkaterminovaj pierśpiektyvie hetaja taktyka dazvoliła skaracić ukrainskija straty. Straty asabovaha składu i kolkaść paškodžanych bajavych tankaŭ i bajavych mašyn piachoty zachodnich krain źnizilisia ŭ paraŭnańni ź pieršymi dvuma tydniami kontrnastupleńnia, u toj čas jak Ukraina damahłasia nievialikich, ale stabilnych pośpiechaŭ, adznačaje Financial Times.
-
U akupavanym Łuhansku skončyŭsia bienzin AI-92 i AI-95. Jaho deficyt nazirajecca i ŭ niekatorych rehijonach Rasii
-
Kolki ŭkraincaŭ zhodny na pieramovy na lubych umovach, a kolki za toje, kab vajavać, pakul nie vyjduć na miažu 2022 hoda
-
Sotni ludziej pryjšli ŭ Kijevie raźvitacca z maładoj maci i jaje dačkoj, jakija zahinuli ad rasijskaha ŭdaru
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary
Navat viermacht apošni raz rabiŭ niešta padobnaje tolki ŭ 1943 pad čas Kurskaj bitvy.
Dy i ŭvohule hetaja vajna šmat u čym unikalnaja. Tamu paŭnavartasnych nastaŭnikaŭ tut być nia moža i Załužnamu davodzicca sprabavać, nažal časam koštam kryvi ŭkrainskich patryjotaŭ.