13 dziejačaŭ kultury, u tym liku Rušdzi, Jelinek, Kremier, zapatrabavali ad Łukašenki prajaśnić los palitviaźniaŭ
«My hladzim na Biełaruś i nie pierastaniem pytacca: dzie znachodziacca hetyja ludzi?»
Prajaśnić los biełaruskich palitviaźniaŭ, u tym liku Maryi Kaleśnikavaj, Viktara Babaryki, Maksima Znaka i Siarhieja Cichanoŭskaha, zapatrabavali ad Alaksandra Łukašenki ŭ adkrytym liście 13 suśvietnych dziejačaŭ kultury, piša «Radyjo Svaboda».
«Spadar prezident Łukašenka, vy zabiaśpiečvajecie svaju ŭładu tolki hvałtam. Poŭnaja izalacyja źniavolenych — heta katavańnie. Adnak źniavolenyja nie vaša ŭłasnaść. Ci źviazvaje vas jašče niešta sa słovam «čałaviečnaść»? Dzie jany?» — havorycca ŭ liście.
Adznačajučy, što źnikli «dziasiatki inšych palitviaźniaŭ», aŭtary pišuć: «My hladzim na Biełaruś i nie pierastaniem pytacca: dzie znachodziacca hetyja ludzi?»
List padpisali łaŭreaty Nobieleŭskaj premii pa litaratury Elfryde Jeliniek (Aŭstryja, 2004), Hierta Miuler (Rumynija — Niamieččyna, 2009), Volha Takarčuk (Polšča, 2018), a taksama piśmieńniki i paety Sałman Rušdzi (Indyja — Vialikabrytanija), Durs Hrunbajn (Niamieččyna), Volf Birman (Niamieččyna), Marharet Etvud (Kanada), Tomas Viencłava (Litva), Pieter Nadaš (Vienhryja), dyryžor i pijanist Daniel Barenbojm (Arhiencina — Izrail — Niamieččyna), pijanisty Ihar Levit (SSSR / Rasija — Niamieččyna), Andraš Šyf (Vienhryja — Vialikabrytanija) i skrypač Hidon Kremier (SSSR / Łatvija — Niamieččyna).
Nahadajem, što pra Mikołu Statkieviča, Maksima Znaka i Maryju Kaleśnikavu ničoha nie viadoma ź lutaha, pra Viktara Babaryku — z kanca krasavika, doŭhi čas ničoha nie było viadoma pra Siarhieja Cichanoŭskaha, i tolki paśla źjaŭleńnia ananimki pra jaho śmierć 5 lipienia praŭładnyja telehram-kanały apublikavali videa ź im, na jakim, jak śćviardžajecca, jon zapisany 5 lipienia.
Što sa stanam zdaroŭja Babaryki
Rodnyja Babaryki trapili na pryjom u kałonii. Što im raskazali
Na fonie čutak pra śmierć Cichanoŭskaha łukašysty vykłali videa ź im. Babaryku nie pakazvajuć bolš za dva miesiacy
«Poŭnaja cišynia prymušaje nie prosta chvalavacca, a bić tryvohu». Šescb miesiacaŭ ničoha nie viadoma pra Maryju Kaleśnikavu
Statkieviču spoŭniłasia 67 hadoŭ. Čaćviorty zapar dzień narodzinaŭ za kratami
Kamientary