Borys Džonsan atrymaŭ uznaharodu ad imia Śviatłany Cichanoŭskaj
Były premjer-ministr Vialikabrytanii Borys Džonsan uznaharodžany «Znakam kamandnaha honaru». Uznaharodu brytanskamu palityku ŭručyŭ daradca Śviatłany Cichanoŭskaj pa dypłamatyčnych pytańniach Dzianis Kučynski.
Sustreča prajšła 7 studzienia ŭ Łondanie. Jak paviedamiŭ Kučynski, padčas doŭhaj razmovy jany abmierkavali, jak padtrymać svabodnuju Biełaruś i Ukrainu, a taksama važnaść adzinstva demakratyj u supraćstajańni dyktataram.
«Borys Džonsan byŭ niepachisnym prychilnikam svabody ŭ našym rehijonie. U 2021 hodzie jon staŭ pieršym premjer-ministram, jaki pryniaŭ Śviatłanu Cichanoŭskuju ŭ rezidencyi na Daŭninh-stryt, 10. Hetaje śmiełaje lidarstva dapamahło ŭzmacnić mižnarodnaje pryznańnie demakratyčnych sił Biełarusi», — adznačyŭ daradca.
Taksama jon nahadaŭ, što Džonsan byŭ siarod pieršych suśvietnych lidaraŭ, chto pryjechaŭ u Kijeŭ paśla pačatku poŭnamaštabnaha rasijskaha ŭvarvańnia ŭ 2022 hodzie, prapanavaŭšy Ukrainie biesprecedentnuju padtrymku.
Ad imia Cichanoŭskaj Džonsanu ŭručyli «Znak kamandnaha honaru». Hetaj uznaharodaj adznačajucca tyja, chto zrabiŭ vyklučny ŭniosak u biełaruskuju spravu.
«Sapraŭdny sajuźnik. Realny kamandny hulec. Siabar svabody», — reziumavaŭ sustreču pradstaŭnik Ofisa.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary