Statkieviču spoŭniłasia siońnia 67 hadoŭ. Čaćviorty zapar dzień narodzinaŭ za kratami
Hetym razam jon sustrakaje jaho ŭ adzinočnaj kamiery, kudy jaho źmiaścili 5 maja na paŭhoda.
Mikoła Statkievič. Fota: «Naša Niva»
Apošni list ad Mikałaja žoncy Marynie Adamovič pryjšoŭ 9 lutaha. Bolš za paŭhoda ad jaho niama viestak.
Na šmatlikija zapyty i skarhi siamja atrymlivaje farmalnyja adkazy: pierapiska nie zabaroniena, «my vam dali vyčarpalny adkaz».
Niadaŭna viarnułasia miedyčnaja banderol, bo nibyta ad viaźnia nie było na jaje zajavy. Na błanku, jaki prykleili da viernutaj banderoli, padkreśleny punkt «admova ad atrymańnia».
Na sustrečy z žonkaj Statkieviča načalnik kałonii patłumačyŭ adsutnaść viestak ad palitviaźnia kiepskaj pracaj «Biełpošty», nahadvaje «Radyjo Svaboda».
Kamientary