Pryčynaj zhortvańnia dziejnaści «Adkrytaha hramadstva» ŭ ES stała toje, što instytuty i ŭrady Jeŭrasajuza traciać šmat hrošaj na tyja ž rečy, jakimi zajmajecca fond.
Fond «Adkrytaje hramadstva», zasnavany fiłantropam vienhierskaha pachodžańnia Džordžam Sorasam, vyrašyŭ amal całkam zharnuć dziejnaść u Jeŭrapiejskim sajuzie, piša «Ukrainskaja praŭda» sa spasyłkaj na Vienhierskuju słužbu «Radyjo Svaboda».
Pryčynaj zhortvańnia dziejnaści «Adkrytaha hramadstva» ŭ ES stała toje, što instytuty i ŭrady Jeŭrasajuza traciać šmat hrošaj na tyja ž rečy, jakimi zajmajecca fond. Tamu tam vyrašyli zasiarodzicca na inšych častkach śvietu, dzie praca budzie bolš efiektyŭnaj.
U minułuju piatnicu ŭsie vienhierskija arhanizacyi, jakija atrymlivali finansavańnie ad fondu «Adkrytaje hramadstva», atrymali list z paviedamleńniem, što fond faktyčna spyniaje svaju dziejnaść u Jeŭrapiejskim sajuzie i pieramiaščaje svaje resursy ŭ inšyja častki śvietu.
U liście taksama cytujecca rašeńnie rady dyrektaraŭ «Adkrytaha hramadstva», zhodna ź jakim kiraŭnictva fondu «pryniało rašeńnie ab radykalnym źmienie stratehičnaha kirunku» z metaj maksimizacyi ŭpłyvu resursaŭ arhanizacyi.
Rearhanizacyja fondu zapłanavanaja na nastupny hod, tamu jaje jeŭrapiejskija prahramy mohuć spynicca ŭžo ŭ 2024 hodzie.
Palityčny dyrektar ofisa premjera Vienhryi Bałaš Orban, kamientujučy paviedamleńnie ab zhortvańni pracy «Adkrytaha hramadstva», napisaŭ: «My, vienhry, majem histaryčny dośvied: my pavierym u toje, što akupacyjnyja vojski sapraŭdy pakidajuć kantynient, tolki tady, kali apošni sałdat Sorasa pakinie Jeŭropu i Vienhryju. Da hetaha nam jašče daloka…»
Fond Sorasa ŭ Biełarusi dziejničaŭ z 1993 hoda pa vierasień 1997 hoda, pakul jaho praca nie była spynienaja ŭładami. Aficyjny Minsk abvinavaciŭ pradstaŭnictva fondu ŭ padtrymcy apazicyi.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1111
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch11
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary