Stolinskaha błohiera Alaksandra Ihnaciuka, imavierna, vinavaciać u «sadziejničańni ekstremisckaj dziejnaści»
Na minułym tydni stała viadoma, što błohier Alaksandr Ihnaciuk — aŭtar błoha «Pra Stolin» i były redaktar niezaležnaj rajonki — zatrymany i źmieščany ŭ śledčy izalatar u Breście. Pavodle pakul aficyjna niepaćvierdžanych źviestak, jaho abvinavačvajuć u «sadziejničańni ekstremisckaj dziejnaści» (art. 361-4 Kryminalnaha kodeksa). Jość infarmacyja, što dniami Ihnaciuka mahli etapavać z Bresta ŭ SIZA ŭ Baranavičy, piša Biełaruskaja asacyjacyja žurnalistaŭ.
Apošnija hady Alaksandr Ihnaciuk žyŭ na biaźludnym chutary, ale davoli aktyŭna zajmaŭsia błohierstvam — zdymaŭ videaroliki, jakija raźmiaščaŭ na staronkach «Pra Stolin» u TikTok, YouTube i Instagram. Adnym z napramkaŭ svajoj dziejnaści abraŭ aśviatleńnie pracy fiermierskich haspadarak u Paleskim rehijonie.
Kali novyja roliki pierastali źjaŭlacca ŭ internecie, zaniepakojenyja hledačy stali chvalavacca i daviedalisia, što Alaksandr Ihnaciuk nie vychodzić na suviaź, bo zatrymany.
«Nakolki ja viedaju, Alaksandr šmat cikaviŭsia ŭmovami pracy ŭ miascovych fiermieraŭ. Da jaho źviartalisia ludzi, što paciarpieli, stali achviarami złoŭžyvańniaŭ, kali pracaŭładkoŭvalisia da fiermieraŭ biez afarmleńnia dakumientaŭ», — kaža znajomy Alaksandra Ihnaciuka, jaki prosić zachavać svaju ananimnaść.
Pavodle słoŭ surazmoŭca, Alaksandr Ihnaciuk taksama cikaviŭsia pytańniami nakont vydzialeńnia ziamli ŭ Stolinskim rajonie. Mieŭ płany stvaryć ahienctva pa pracaŭładkavańni siezonnych rabotnikaŭ i navat raźličvaŭ na padtrymku miascovych uład u hetym pytańni.
Alaksandr Ihnaciuk viadomy tym, što ŭ kancy 90-ch — pačatku 2000-ch vydavaŭ niezaležnuju rehijanalnuju hazietu «Viečiernij Stolin» i byŭ jaje hałoŭnym redaktaram. U 2004 hodzie ŭłady zakryli heta niazručnaje im vydańnie.
Žančynu z Fanipala asudzili na paŭtara hoda «chatniaj chimii» za ŭdzieł u pratestach
Žycharu Baranavičaŭ dali dva hady kałonii za abrazu Łukašenki i čynoŭnikaŭ
U Breście zatrymali mužčynu i žančynu za kamientary pra vajnu, Łukašenku i milicyjantaŭ
Zatrymali maci byłoha palitviaźnia i dobraachvotnika Cichana Klukača
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary