Ministr z Respubliki Komi paprasiŭ palityčnaha prytułku ŭ ZŠA. Jon tam pracuje dalnabojščykam
Dzianis Šaronaŭ — były ministr sielskaj haspadarki i spažyvieckaha rynku Respubliki Komi (Rasija), jon pakinuŭ hetuju pasadu ŭ studzieni 2022 hoda. U razmovie z RTVI Šaronaŭ raspavioŭ, što ŭ kastryčniku 2022-ha atrymaŭ pozvu ŭ vajenkamat, paśla čaho źjechaŭ u ZŠA i paprasiŭ palityčnaha prytułku.
— Ja staŭ atrymlivać sihnały, što mnie niebiaśpiečna zastavacca ŭ Rasii, a kali ŭ kastryčniku 2022-ha pryjšli z vajenkamata ŭručyć pozvu na moj adras rehistracyi, mnie ŭžo ničoha nie zastavałasia rabić. Choć ja pa ŭzroście, u pryncypie, nie toje kab padychodziŭ. Ja zrazumieŭ, što heta sihnał z respubliki, dzie ja pracavaŭ. I heta prosta sposab pazbavicca niepažadanych ludziej. Mnie pašancavała ŭ papiarednich dvuch pieraśledach, ale hetym razam ja razumieŭ, što mnie nie adbicca. Mnie ničoha nie zastavałasia rabić, jak pakinuć krainu, — raskazaŭ jon.
«Adzinaje miesca, na moj pohlad, adkul niama vydačy [ŭ Rasiju], dzie ciabie nie mohuć niejak padstavić i departavać, — heta ZŠA, tamu ja apynuŭsia tut i zapytaŭ palityčny prytułak».
Ciapier Dzianis Šaronaŭ lehalizujecca i asvojvajecca na novym miescy.
«Zrazumieła, što taja praca, jakoj ja ciapier zajmajusia — dalnabojščyk na boxtruck'e, — heta praca nie viečnaja. Ale pracu treba z čahości pačynać, a prafiesija dalnabojščyka ŭ ZŠA adna z samych raspaŭsiudžanych. Dalej usio budzie zaležać ad taho, jak budzie prachodzić praces majoj lehalizacyi tut. Biezumoŭna, mnie chaciełasia b nadalej pracavać u sielskaj haspadarcy, dośvied i viedy vialikija nazapašanyja, z movaj u mianie ŭsio ŭ paradku», — kaža Dzianis Šaronaŭ.
«Ja ŭ žachu ad taho, što kožny dzień u damy ŭkraincaŭ laciać bomby». Zasnavalnik «Jandeksa» Arkadź Vołaž adkryta vystupiŭ suprać vajny va Ukrainie
«My nie ŭ biaśpiecy i nie budziem u biaśpiecy». Žurnalistka Alena Kaściučenka raskazała, jak jaje atrucili ŭ Hiermanii
Źnikły rasijski kambat znajšoŭsia va ŭkrainskim pałonie. Na videa jon nanosić na kartu dla USU rasijskija vajskovyja pazicyi
Ciapier čytajuć
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary