Urad Nižniaj Saksonii ŭ žniŭni minułaha hodu zapuściŭ u ekspłuatacyju 14 vadarodnych ciahnikoŭ. Praz hod vyrašana ad ich admovicca. U toj ža čas urady šerahu krain płanujuć pašyryć ich vykarystańnie.
Jak piša partał Quartz, pieršyja ciahniki Alstom Coradia iLint, jakija pracujuć na vadarodnych paliŭnych elemientach, Niamieckaja dziaržaŭnaja čyhunačnaja kampanija LVNG vypuściła na probnyja maršruty ŭ Nižniaj Saksonii jašče ŭ 2018 hodzie. U žniŭni 2022 hoda pačałasia kamiercyjnaja ekspłuatacyja 14 sastavaŭ, jakija abyšlisia ŭ 93 miljony jeŭra.
Madel Alstom Coradia iLint maje zapas chodu ŭ 1000 kiłamietraŭ, što dazvalaje ciahniku jeździć ceły dzień na adnym baku vadarodu.
Adnak praz hod LVNG paviedamiła, što admaŭlajecca ad ich na karyść akumulatarna-elektryčnych madelaŭ, jakija tańniejšyja ŭ ekspłuatacyi.
Pavodle daśledavańnia, praviedzienaha na zamovu niamieckaj ziamli Baden-Viurtembierh, ciahniki z vadarodnym ruchavikom u doŭhaterminovaj pierśpiektyvie abychodziacca na 80% daražej za elektryčnyja varyjanty.
Akramia hetaha, jak paviedamlaje Quartz, ciahniki na vadarodzie patrabavali daasnaščeńnia novym aparatnym i prahramnym zabieśpiačeńniem. Dadatkovaj prablemaj była adsutnaść mašynistaŭ, navučanych kiravańniu takimi ciahnikami. Akramia taho, zimoj byli prablemy na stancyi zapraŭki vadarodam.
Urad Nižniaj Saksonii płanuje ŭvieści da 2029 hoda 102 novyja ciahniki na akumulatarach. Dyzielnyja ciahniki buduć vyviedzienyja z ekspłuatacyi da 2037 hoda.
Niahledziačy na admovu ŭ Hiermanii, kampanija Alstom pracuje nad pastaŭkaj vadarodnych ciahnikoŭ z uradam Čechii. Bolš za dva dziasiatki padobnych ciahnikoŭ u inšaha vytvorcy — Stadler — zamoviŭ letaś amierykanski štat Kalifornija.
U sakaviku 2024 hoda Indyja płanuje zapuścić 35 vadarodnych ciahnikoŭ. Pieršy ŭ Afrycy vadarodny łakamatyŭ źbirajecca zapuścić Namibija.
U červieni hetaha hoda Kitaj zajaviŭ ab zapusku samaha mahutnaha ŭ śviecie vadarodnaha ciahnika. Paviedamlajecca, što ruchavik Ningdong, zdolny pieravozić 270 kh zvadkavanaha vadarodu, moža pracavać da vaśmi dzion i zapraŭlacca za dźvie hadziny.
Uschodnie-Japonskaja čyhunka ź minułaha hoda pravodzić vyprabavańni ciahnika na vadarodnym palivie z metaj zapusku ŭ kamiercyjnuju ekspłuatacyju da 2030 hoda. A ministerstva infrastruktury i transpartu Italii vydzieliła ŭ hetym hodzie 300 miljonaŭ jeŭra na šeść prajektaŭ pa pieravodu dyzielnych ciahnikoŭ na vadarodnaje paliva.
Čytajcie jašče:
Budučynia vadarodnych aŭtamabilaŭ u Jeŭropie pad sumnieńniem. U toj ža čas u Azii prodaž raście
U Hiermanii stali chadzić pasažyrskija ciahniki na
«Zialony vadarod» — zaŭtra suśvietnaj ekanomiki. Voś jak heta budzie pracavać, na prykładzie Namibii
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu11
Kamientary