Biełaruskaha chakieista ŭ ZŠA Halčaniuka prysudzili da 30 sutak aryštu. Jon faktyčna vyjšaŭ suchim z vady
Jamu vystavili šeść abvinavačvańniaŭ: u napadzie na pryvatnuju ŭłasnaść, chulihanstvie, avaryi, niepadparadkavańni i supracivie aryštu, a taksama ŭ pahrozach palicyjantam. Piać ź ich byli źniatyja.
Były chakieist «Aryzony Kajocis» u Nacyjanalnaj chakiejnaj lizie (NCHŁ) Aleks Halčaniuk prysudžany da 30 dzion turemnaha źniavoleńnia, paviedamiŭ The Athletic.
9 lipienia amierykanski forvard byŭ zatrymany palicyjaj horada Skotsdejł, štat Aryzona. Jamu vystavili šeść abvinavačvańniaŭ: u napadzie na pryvatnuju ŭłasnaść, chulihanstvie, avaryi, niepadparadkavańni i supracivie aryštu, a taksama ŭ pahrozach palicyjantam. Chakieista spačatku zaklučyli pad aryšt, a zatym adpuścili pad padpisku ab niavyjeździe.
U paniadziełak, 21 žniŭnia, sud Skotsdejła źniaŭ z Halčaniuka piać z šaści abvinavačvańniaŭ, u tym liku abvinavačvańni ŭ chulihanstvie i supracivie aryštu. Adzin dzień z terminu źniavoleńnia spartsmienu zaličyli jak adbyty, bo jon sutki pravioŭ pad vartaj.
27 dzion buduć admienienyja paśla paśpiachovaha prachodžańnia spartsmienam prahramy lačeńnia ad ałkahalizmu i 12 miesiacaŭ biez užyvańnia ałkaholu.
Amierykanski forvard ź biełaruskimi karaniami vystupaŭ u NCHŁ za «Manreal», «Aryzonu», «Pitsburh», «Miniesotu», «Atavu», «Taronta» i «Kałarada». Na siezon-2023/24 Halčaniuk znoŭ padpisaŭ pahadnieńnie z «Aryzonaj», jakoje było skasavana praz 12 dzion paśla jaho aryštu.
Nie vyklučana, što jon praciahnie karjeru ŭ Rasii.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?6
Kamientary