Nazvany hulcy zbornaj na matčy z Andoraj i Izrailem. Jość navat biełarus z čempijanatu Ispanii. Ale nie śpiašajciesia radavacca
Zbor hałoŭnaj futbolnaj kamandy krainy praciahniecca z 3 da 14 vieraśnia. Adboračny matč Jeŭra-2024 z Andoraj adbudziecca 9 vieraśnia, a ź Izrailem — 12 vieraśnia.
Hałoŭny trenier zbornaj Biełarusi pa futbole Karłas Ałas Fierer vyznačyŭsia z kančatkovym śpisam hulcoŭ, jakija zhulajuć u matčach kvalifikacyi čempijanatu Jeŭropy-2024.
U finalnuju zajaŭku trapili 23 futbalisty.
Heta try hałkipiery — Maksim Płotnikaŭ («Kaśpij», Kazachstan), Siarhiej Ihnatovič («Šachcior», Salihorsk) i Andrej Kudraviec (BATE, Barysaŭ),
Abaroncy: Dzianis Palakoŭ («Chapael», Chajfa, Izrail), Siarhiej Palicievič («Dynama-Minsk»), Kirył Piačenin («Arenburh», Rasija), Uładzisłaŭ Malkievič (BATE, Barysaŭ), Zachar Vołkaŭ («Chimki», Rasija), Siarhiej Karpovič, Jahor Parchomienka (abodva — «Nioman», Hrodna), Leanarda Maskara-Kapilevič («Sievilja Atletyka», Ispanija).
Paŭabaroncy: Uładzisłaŭ Klimovič («Dyjašdźjor», Vienhryja), Maks Ebonh («Astana», Kazachstan), Arciom Bykaŭ, Alaksandr Sialava (abodva — «Dynama-Minsk»), Juryj Kavaloŭ, Kirył Kaplenka (abodva — «Arenburh», Rasija), Mikita Korzun («Šachcior», Salihorsk), Valeryj Bačeraŭ (BATE, Barysaŭ).
Forvardy: Pavieł Savicki («Nioman», Hrodna), Ivan Bachar («Dynama-Minsk»), Vital Lisakovič («Rubin», Kazań, Rasija) i Uładzisłaŭ Marozaŭ («Dynama-Minsk»).
Źviartaje na siabie ŭvahu vyklik u zbornuju Leanarda Maskara-Kapileviča, jaki hulaje za «Sievilja-Atletyka». Ale tut nieabchodna źviarnuć uvahu na nastupnyja rečy.
Hety hulec raniej vyklikaŭsia ŭ skład biełaruskaj junackaj zbornaj i navat zhulaŭ dva matčy.
Leanarda naradziŭsia 20 hod tamu ŭ siamji biełaruski, što pierabrałasia ŭ Ispaniju, i miascovaha žychara.
Ciapier jon vystupaje za kłub «Sievilja Atletyka», jaki źjaŭlajecca filijałam kłuba «Sievilja».
«Sievilja Atletyka» hulaje ŭ čaćviertym dyvizijonie ŭ Ispanii. Tam hulaje piać hrupaŭ pa 18 kamandaŭ u kožnaj. U minułym siezonie «Sievilja Atletyka» finišavaŭ na 10-m miescy.
U svoj čas u vyšejšaj lizie čempijanatu Ispanii (siońnia — Ła Liha) vystupali Siarhiej Hurenka («Reał Sarahosa»), Alaksandr Hleb («Barsiełona»), a hulec jašče minskaha «Dynama» 1980-ch Andrej Zyhmantovič dapamoh «Rasinhu» vyjści ŭ vyšejšy dyvizijon.
Ale niama taho, što rańš było, jak kazaŭ paet, zorka jakoha zaźziała ŭ hod naradžeńnia biełaruskaha futboła.
BATE prapuściŭ čatyry miačy ad kosaŭskaha «Bałkani»
Pryznačany novy hałoŭny trenier zbornaj Biełarusi pa futbole. Papiarednim miescam jaho pracy była zbornaja Ruandy
«Biełaruski futboł amal nie hladžu». Eks-trenier nacyjanalnaj zbornaj amal dva miesiacy adpačyvaje ŭ Bałharyi
«Biełaruski futboł amal nie hladžu». Eks-trenier nacyjanalnaj zbornaj amal dva miesiacy adpačyvaje ŭ Bałharyi
Kamientary