Matč prajšoŭ u Pryšcinie i skončyŭsia pieramohaj kasavaraŭ 4:1.
BATE pieršym adkryŭ lik: na 10-j chvilinie vyznačyŭsia Dzianis Łapcieŭ.
A potym u druhim tajmie «Bałkani» zabiŭ čatyry razy.
Spačatku vyznačyŭsia Bajram Jašanica, potym dubl aformiŭ Bleart Tałaj, a finalnuju kropku pastaviŭ Armiend Tačy.
Matč u adkaz — u nastupny čaćvier u Vienhryi. Pieramožca dvuboju trapić u hrupavy turnir Lihi kanfierencyj — treci pa značnaści turnir jeŭrakubkaŭ.
Apošni raz biełaruskija kłuby hulali ŭ hrupavym turniry ŭ siezonie 2018/2019. Heta byŭ akurat BATE, jaki hulaŭ u Lizie Jeŭropy z «Čełsi», vienhierskim «MOŁam» i hreckim PAOKam. Barysaŭski kłub tady zaniaŭ druhoje miesca i vyjšaŭ u płej-of, dzie ŭ 1/16 finału zhulaŭ z łondanskim «Arsienałam» (1:0, 0:3).
Nahadajem, što ŭ hetym hodzie BATE startavaŭ u kvalifikacyi Lihi čempijonaŭ, prajšoŭ pieršy etap, abyhraŭšy ałbanski «Partyzani», razhromna dvojčy sastupiŭ u druhim raŭndzie kiprskamu «Arysu», vybyŭ u kvalifikacyju Lihi Jeŭropy, dzie taksama nie zatrymaŭsia, prajhraŭšy małdaŭskamu «Šeryfu».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary