23 žniŭnia pamior piśmieńnik, dramaturh i scenaryst Hieorhij Marčuk, paviedamiła hazieta «Źviazda». Jamu było 76 hadoŭ.
Budučy piśmieńnik naradziŭsia 1 studzienia 1947 hoda ŭ horadzie Davyd-Haradok u siamji šaŭca. Paśla škoły Marčuk pracavaŭ u miascovym kłubie, a paśla — u Stolinskim rajonnym kłubie. Akramia taho, jon zajmaŭ pasady kiraŭnika dramatyčnaha hurtka.
Marčuk zavočna skončyŭ Biełaruski teatralna-mastacki instytut pa śpiecyjalnaści «teatraznaŭstva». Z 1969 hoda jon pracavaŭ asistentam režysiora na kinastudyi «Biełaruśfilm», a z 1980-ha staŭ režysioram «Biełaruśfilma».
Hieorhij Marčuk — aŭtar vaśmi ramanaŭ («Kryk na chutary», «Vočy i son» i inšych), 50 pjes, a taksama knihi kazak dla dziaciej. Jaho tvory pierakładalisia na ruskuju, litoŭskuju, anhlijskuju, ukrainskuju, a taksama polskuju, kazachskuju i makiedonskuju movy.
Za mastacki film «Kvietki pravincyi», źniaty pa scenaryi Marčuka, jon atrymaŭ zvańnie łaŭreata Dziaržaŭnaj premii Biełarusi. Akramia taho, Marčuk źjaŭlajecca aŭtaram scenara i da niekatorych inšych filmaŭ — «List Fielini», «Jabłyk Miesiaca». Taksama jon byŭ adnym z suaŭtaraŭ scenaryja dakumientalnaha kinafilma «Viartańnie Zabejdy-Sumickaha».
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary