Jak «Kibierpartyzany» vyciahnuli milicejskija bazy i navošta pa niekalki razoŭ uzłomvać Akademiju kiravańnia
Pradstaŭnica «Kibierpartyzanaŭ» Julijana Šamietaviec u vypusku jutub-kanała «Tok» raspaviała pra toje, jak aktyvisty vypampavali milicejskija bazy i što ŭ ich, a taksama adkazała, jaki sens uzłomlivać sajty «Priessboła» i Akademii kiravańnia Łukašenki.
Jakimi bazami vałodajuć «Kibierpartyzany»
Julijana Šamietaviec adznačyła, što ciapier u «Kibierpartyzanaŭ» kala 20 roznych baz. Siarod vialikich — baza pa pierasiačeńni miažy za apošnija 15 hadoŭ absalutna ŭsich hramadzian (jak biełarusaŭ, tak i zamiežnikaŭ), taksama takija važnyja bazy, jak «Biesparadki», bazy kryminalnych i administracyjnych spraŭ, słužby «102», baza Adzinaha dziaržaŭnaha rehistra jurydyčnych asob i indyvidualnych pradprymalnikaŭ, a taksama baza pa majomaści.
«U pryncypie, heta ŭzrovień dziaržavy. Tolki jana moža mieć takija bazy. U narmalnych dziaržavach hetyja bazy raźmierkavanyja pamiž roznymi viedamstvami.
Režym nie zmoh abaranić hetyja danyja. Ciapier heta naša adkaznaść — abaranić danyja biełarusaŭ, kab jany nie patrapili ŭ niejkija drennyja ruki, kab jany ich vykarystoŭvali na svaju karyść.
Hetyja źviestki ciapier znachodziacca na biaśpiečnych siervierach. Dostup da danych maje nie bolš za try čałavieki», — adznačaje Šamietaviec.
Jak vypampoŭvalisia milicejskija bazy
Pa słovach Šamietaviec, bazy «vyciahvalisia» anłajn. Va ŭzłomie baz MUS dapamahali «partyzany na ziamli». Jany zabiaśpiečyli pieršy dostup, a potym inšyja pracavali ŭnutry sistemy anłajn.
«Heta było vielmi składana arhanizavać, bo patrabavałasia i miesca, i čas.
U nas byli vypampavanyja zapisy razmoŭ, jakija zapisvała MUS. Jany składajuć 50 tysiač hadzin.
Kali heta prasłuchoŭvać, to nieviadoma, kolki hadoŭ spatrebicca. Ale pa videa vykačałasia nie tak šmat, jak by chaciełasia. Usia praca pa vykačvańni była non-stop.
Adnak samaje hałoŭnaje było nastroić pošuk dla pracy z bazami, kab heta było biaśpiečna, kab my mahli pierakidvać nie ŭsiu infarmacyju. My damovilisia, što možna pieradavać asabistyja danyja ludziej, jakija źviazanyja z režymam. Pra tych, chto nie źviazany, ci adnosna ich niezrazumieła, my pieradajom infarmacyju biez asabistych źviestak», — raspaviała pradstaŭnica «Kibierpartyzanaŭ» i zaŭvažyła, što ciapier jany šukajuć hrošy na toje, kab apłacić pasłuhi pa zachoŭvańni danych.
Pra ataki «Kibierpartyzanaŭ» i ich sens
Šamietaviec raspaviała, što «Kibierpartyzany» atrymali dostup šmat da jakich resursaŭ, ale jany «zamarozili» jaho da taho času, pakul heta spatrebicca.
«Stratehična treba razumieć: jak zaraz budzie ŭpłyvać na situacyju toje, što ciapier uzłamaŭ. Jano moža nie spracavać dla hramadstva. Ja dumaju, što kolkaść takich resursaŭ moža dachodzić da sotni. Mnie kazali, što heta vielmi maštabna, i nie chapaje ruk, kab usio apracoŭvać».
Kali havaryć pra ŭzłom sajta «Priessboła», to heta było zroblena ŭ ramkach kampanii «piatnicy-defejśnicy». «Treba raźličvać, što ŭ nas jość praca pa praviadzieńni atak unutry sistemy, a jość prosta «defejs», što značyć prosta pamianiać vokładki na sajcie, a nie zaleźci ŭnutr sistemy. Heta robicca, kab pryvabić, dałučyć ludziej da hetych atak. Jany nam skidvali svaje vielmi cikavyja art-pracy, kab vykłaści na hetyja sajty», — tłumačyć Šamietaviec.
Nie pra ŭsio, što robiać «Kibierpartyzany», paviedamlajecca šyrokaj publicy.
Što tyčycca častych uzłomaŭ resursaŭ Akademii kiravańnia, to Šamietaviec heta tłumačyć nieabchodnaściu «vykłaści što-niebudź cikavaje», naprykład, zvarot pałka Kastusia Kalinoŭskaha ci infarmacyju na Dzień Voli.
«My vykarystoŭvajem jaho jak placoŭku dla daniasieńnia infarmacyi. Heta vielmi viesialić biełarusaŭ», —
padkreślivaje pradstaŭnica inicyjatyvy.
Hladzicie całkam:
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary