«Heta pavinna być apłačana Biełarusi». Polšča hatova adkryć punkty propusku, kali Łukašenka pojdzie na sastupki
Polšča hatova adkryć punkty propusku na miažy ź Biełaruśsiu, kali Alaksandr Łukašenka pojdzie na sastupki i prybiare vahnieraŭcaŭ i nielehalnych mihrantaŭ z krainy. Pra heta ŭ efiry TVPinfo zajaviŭ namieśnik ministra ŭnutranych spraŭ Maciej Vonsik, kamientujučy vyniki kansultacyj polskaha MUS z krainami Bałtyi. Uvahu na publikacyju źviarnuŭ Reform.
«Pahladzim, jak budzie pavodzicca Biełaruś abo režym u asobie Łukašenki», — skazaŭ jon.
U paniadziełak u sumiesnaj zajavie ministry ŭnutranych spravaŭ Polščy, Litvy, Łatvii i Estonii zapatrabavali ad Biełarusi vyvadu hrupy «Vahniera», a taksama advodu mihrantaŭ ad miažy i adpraŭki ich u krainy pachodžańnia. Jany taksama damovilisia zakryć miažu ź Biełaruśsiu ŭ vypadku krytyčnych incydentaŭ, jakimi moža być užyvańnie zbroi ci praryŭ hrupy mihrantaŭ.
Vonsik, adkazvajučy na pytańnie viadoŭcy, pryznaŭ, što raźličvaje na źmiakčeńnie palityki Minska.
«Ja spadziajusia, što pamiakčeje ŭ mnohich vymiareńniach, nie tolki ŭ mihracyjnaj palitycy, ale i ŭ hulni muskułami. Nie treba, kab za našaj miažoj stajała hrupa złačyncaŭ, jakuju ŭtrymlivaje Łukašenka, hrupa «Vahniera» ci častka jaje, hatovaja na ŭsio. Heta ludzi z bajavym dośviedam, z dośviedam zabojstvaŭ. My čakajem, što Łukašenka pazbavicca ad hetych ludziej. Taksama heta peŭnaja prablema ŭ pierśpiektyvie dla Łukašenki, bo kali im niešta nie spadabajecca ŭ Biełarusi (biełaruskaje vojska słabaje), mohuć prosta pajechać na Minsk, jak jechali na Maskvu. Heta budzie im našmat praściej, tym bolš, što jany stajać bližej da Minska, čym stajali da Maskvy», — dadaŭ jon.
Vonsik dadaŭ, što pytańnie datyčycca i mihracyjnaj palityki. Cisk na miažu pavinien być panižany.
«Kali Biełaruś nie choča być izalavanaj, to musić pačać supracoŭničać. Heta, vidavočna, pavinna być apłačana Biełarusi. Moža być, adkryjem častku pamiežnych pierachodaŭ, zakrytych ciapier. Ale kali supracoŭnictva i reakcyi ź inšaha boku nie budzie, to ŭ peŭny momant usie try krainy, Polšča, Litva i Łatvija, zakryjuć usie pamiežnyja pierachody, nie tolki darožnyja, ale i čyhunačnyja, i Biełaruś faktyčna budzie adrezana ad Jeŭropy», — skazaŭ jon.
Čytajcie taksama:
Naŭsieda zaklikaŭ nie pieratvarać zakryćcio pamiežnych pierachodaŭ ź Biełaruśsiu ŭ sport
Estonija abmiarkuje ź Finlandyjaj i Narviehijaj miechanizm zakryćcia miažy z Rasijaj
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary