Palitźniavolenaha pradprymalnika z Zelvy asudzili da troch hadoŭ kałonii
Pradprymalnika z Zelvy palitźniavolenaha Viktara Łamieku asudzili da troch hadoŭ pazbaŭleńnia voli ŭ kałonii ahulnaha režymu, piša «Viasna».
Sud Zelvienskaha rajona 31 žniŭnia 2023 hoda pryznaŭ biznesoŭca vinavatym u paklopie i abrazie Łukašenki (art. 367 i art. 368 Kryminalnaha kodeksa). Zatrymali mužčynu 29 sakavika 2023 hoda.
Na videa, jakoje apublikavaŭ praŭładny telehram-kanał, vidać, što jon nie akazvaŭ supracivu, pry hetym, pavodle infarmacyi Mayday team, spačatku siłaviki mocna źbili mužčynu ŭ mikraaŭtobusie, a zatym supracoŭniki 9-ha ŭpraŭleńnia HUBAZiKa praciahnuli źbivańnie ŭ budynku viedamstva. Pry hetym vielmi mocna ŭ Łamieki paciarpieła naha.
Pieršapačatkova na Łamieku skłali pratakoł pa 19.11 KaAP Biełarusi i aštrafavali. Nie daŭšy mužčynu navat pakinuć budynak suda, siłaviki znoŭ zatrymali jaho. Paśla druhoha suda pavodle administracyjnaj spravy Łamieku adpravili ŭ śledčy izalatar.
Kali pradprymalnik užo znachodziŭsia ŭ SIZA, stała viadoma, što pamierła jaho maci.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary